2019-08-24

702

「兄弟爬山」

之前爸爸出去咁多次都冇帶你去,

因為怕天氣熱又人多擠迫,

你悶唔肯自己行要我抱就GG,

怕長輩們知道擔心呢樣嗰樣,

怕。。

 

雖然未夠五歲,

但係香港都係你屋企,

你都有責任知道屋企發生緊啲咩事,

你亦有權利表達你嘅聲音。

 

2019年8月18日,

你第一次跟爸爸上街參與社會運動,

我地由灣仔軒尼詩道開始,

嘗試行去維園參與集會。

 

行到咁上下,

爸爸嘅朋友問你下次仲行唔行,

你擰擰頭話唔駛喇。

 

然後我問你:

「記唔記得點解我地要出嚟行?」

 

「因為政府做得好錯!」

 

「係呀,你睇吓咁多人都一齊出嚟行,
因為政府真係做得好錯。」

 

行吓抱吓又行吓再抱吓,

四個鐘之後,

我地都只可以去到銅鑼灣SOGO外面。

 

大部份時間又落兩又迫人,

但係你一句都冇講過話唔想行要走,

爸爸好欣慰。

 

年輕人的確係社會未來嘅棟樑,

但係而家嘅佢地都唔係透明架。

 

【編按:以上內容為作者之個人意見及立場】

相關文章

成年子女難相處?3點建立愉快親子關係

「愛?沒有懼怕」

緊貼新冠肺炎最新相關資訊