2020-06-13

604

夏天的回憶【石頭畫創作】幼兒藝術

把海邊的回憶延伸幼兒獨特的藝術~

去海邊放下電,感受下沙、海、石頭等等大自然大自然嘅禮物。當日海豚妹想執咗幾粒小石頭,但為了愛惜沙灘資源,我哋感受完石頭質感就放返去沙灘講Bye Bye。返到屋企我拎出之前裝飾家中嘅石頭,繼續回顧沙灘點滴,海豚妹再幫小石頭上色創作。(留意在香港執石頭可能犯法,特別是政府規管的泳灘和地質公園,愛護大自然,不要帶走沙石啊。)

夏日活動推介:適合K1-P3學生 立即參加【暑期創意藝術5天日營】

我的石頭是幾年前在花園街買的,因為喜歡佈置家具而買下的:

有大有小不同形狀和顏色~


石頭本身係一種有個性嘅材料,每一粒都有獨特嘅外型同質感,創作前先同小朋友傾下計,什麼是石頭?呢粒石頭似乜野?係咩形狀?摸摸唔同石頭嘅觸感。對於大一點嘅小朋友,可以比佢欣賞下唔同人嘅石頭藝術先。海豚妹2歲,仲係探索顏色嘅階段,所以就等佢自由創作,用佢鐘意嘅顏色。

夏日活動推介:適合K1-P3學生 立即參加【暑期創意藝術5天日營】

呢粒石頭100% 海豚妹創作,佢用顏色續層添加上色,2-3歲嘅幼兒都仲係處於塗鴉階段。留意不需要用成人嘅觀點來看待佢嘅作品,否則,父母不僅會錯失了解、認識孩子嘅機會,而且仲可能會扼殺孩子的繪畫天賦和想像力。

呢一粒石頭就咁睇只係隨意塗鴉,但放上去明信片度,就覺得好似一幅花海咁~好靚啊!

喺石頭創作嘅過程,唔但止好玩,仲可以學到:

*創作力:創作時容許佢選擇喜歡嘅顏色,鼓勵用佢自己的方式享受創作。

*學習顏色及混色:可以一邊辨認顏色、學習溝顏色的變化,喺旁邊覆述小朋友的行為 (例如:XX你揀左咩色?黃色加左藍色後變左綠色啊!)

*小肌肉:除了作畫的力度,更可用到前三指及二指小肌肉打開及關閉顏色蓋。

*手眼協調:對準吱顏料到指定色盤

*自理:學習創作後要收搭及清潔

*大自然:從情景中學習,加深對大自然、沙灘、石頭的理解,從中可以灌輸愛惜大自然的訊息

夏日活動推介:適合K1-P3學生 立即參加【暑期創意藝術5天日營】

注意事項:

-石頭在創作前可以先清洗晾乾。

-創作前記得先鋪好枱墊和保護衣,方便清潔享受創作

創作完的石頭除咗做裝飾,可以再將佢變成其他用途,例如用來玩故事遊戲、放入透明膠樽仔做樂器、數數,好多唔同嘅玩法,待大家去發挖呢!

【編按:以上內容為作者之個人意見及立場】

相關文章

告別COVID19的日子 重新出發面對新挑戰

停課期間孩子在家不停畫,如何有效地以藝術提升親子關係?

【親子好去處】全新開幕!英國製作高質親子cafe One Small Step

【爸爸煮食記】錯誤是成長所需要的養分

緊貼新冠肺炎最新相關資訊