2018-09-24

11.2K

孤寒老公要N班仔帶病返學:畀咗學費,唔返學好蝕!


小朋友唔舒服,個個家長都會心急想佢快啲好返,返少一兩日學有咩所謂吖。有位網民出post提到,囝囝只係讀N班,咳咗好多日,老師都話好返晒先返學,偏偏老公竟然為咗錢要個仔夾硬返學,仲要黑口黑面:「畀咗學費,唔返學好蝕!」但原來呢個事例只係冰山一角,仲有好多地方令樓主好唔開心,覺得兩夫妻價值觀好唔同。

 

樓主同老公相處的時候,有好多細微位睇得出佢好孤寒,賺少一蚊或買嘢買貴咗就好似好大件事!一家人共同生活,互相買下嘢食嘢飲畀對方食好平常,但佢老公永遠只買自己,但就會飲埋樓主買畀工人姐姐嘅飲品!

 

除咗好緊張錢以外,呢位老公亦都無顯出男士風度,亦無盡爸爸嘅責任。照顧小朋友責任只會係樓主同工人姐姐負責,叫佢幫手襟住阿仔餵藥,仲用呢個理由拒絕:「做咩要我做埋『賓妹』個份?」已經知佢係一個怕蝕底,又無責任心嘅人。樓主仲形容佢:「樣樣嘢事不關己,如果食飯,佢可以完完全全舒舒服服咁食飯,唔理小朋友。」網民睇完呢啲行徑覺得佢老公好似攞著數同事,完全無感覺到佢認為自己有責任照顧家庭。

 

睇咗Forum咁多年,好多時候都見到媽咪們呻老公唔幫手,自己一個人肩負所有責任,特別係病嘅時候,無論係媽咪自己抑或小朋友有病,老公係咪有關心家庭?呢個時候就會見真章。如果係吃喝玩樂先會出現,一有事時就事不關己,如果真係要繼續走落去,咁就真係要好好溝通雙方對家庭嘅責任。

 

【編按:以上內容為作者之個人意見及立場】

相關文章

【健康資訊】23歲女感冒兼熬夜玩手機 心臟停跳3日奇蹟康復

【再次擁抱摯愛的聲音】錄載亡母遺言玩具熊被盜  4日後奇蹟尋回!乖女喜極而泣

世界奇妙物語

【日久。親情。】孩子在家日對夜對的日子

緊貼新冠肺炎最新相關資訊