2018-08-15

2.9K

心急父母推住BB車衝紅燈?網民:點做人父母架!

嗰日Forum有人話見到有對父母推住BB車衝紅燈,跑住過馬路,期間不遠處有架巴士駛緊埋嚟,好鬼牙煙!咁心急以為對父母好趕時間啦,點知過完馬路就慢慢行……真係吖!相差得嗰十幾秒會死咩!好心做咗阿爸阿媽就唔係攞BB條命嚟博啦,點做人父母架!

 

睇埋啲留言,就知其實唔只父母,爺爺嫲嫲公公婆婆先係最常拖住粒孫衝紅燈嘅「危險人物」。啲老人家成日恃住自己一把年紀啲車會讓佢,所以明知就嚟轉燈都照衝出去,嗌極都唔聽!

 

但其實,點解會覺得啲車一定會讓人呢?如果調返轉,啲司機都有衝習慣又或者真係好趕時間,到時出咗事,啲小朋友咪好無辜?細細個返幼稚園都有教啦,馬路如虎口,其實香港啲交通燈已經唔算等得耐啦,點解等多十幾秒都唔得?

 

又,啲人所謂嘅「趕時間」,到底係有幾趕,趕到要搵命博?有留言話「我成日同仔女講,我哋唔趕,條命好矜貴」,Juicy媽好認同呀!香港係出名全球行得最快嘅物種,個個外國人嚟到都話香港人行路好似跑步咁,嗱,未做人阿爸阿媽你鍾意行幾快、衝幾多紅燈都冇所謂,自己的生命自己負責返,但如果湊住小朋友,真係唔該你遵守交通規啦!小朋友係無辜架囉!

入嚟討論區一齊傾

【編按:以上內容為作者之個人意見及立場】

相關文章

吸煙10年老公有意戒煙卻無從入手 心急港媽求問網民經驗分享:一嚟佢就情緒低落又躁底...

父母長期用汽水沖奶粉 致4歲女兒滿口蛀牙糖尿病身亡

【幼兒安全】2歲半男童疑貪玩用毛巾按壓初生妹妹的臉 險致其窒息!

【育兒悲劇】紅夫妻盲信曬太陽能吸取營養存活 1個月大兒子慘遭餓死

緊貼新冠肺炎最新相關資訊