2020-05-08

912

我們的「全城抗疫」小記(下)

「阿囝阿囡你有鼻水無?有病無?」、如何練成一雙「大力金鋼腿」去開門、零食大囤貨、疫情下大家都肥咗……讓我們繼續貼地記錄,香港近日抗疫下的生活點滴 ,唔知有幾多樣,能引起你的共鳴呢?

更多文章:我們的「全城抗疫」小記

1.「疑病症」蔓延至「少主」身上

每朝起身除了懷疑自己病病地外,我們還會更擔心自己的「少主」:「阿囝你病咩?有鼻水呀?」自己驚之餘,仲要緊張埋阿囝、阿囡個份 ……雖知道,係呢段時候病,要睇醫生真係好煩,若發燒仲……心理負擔坦言嚴重過生理因素!

2.「大力金鋼腿」成就解鎖

疫情數月下來,大家也練成了一雙「無敵大力金鋼腿」- 用腳(當然不是踢門之力度)、盡量不用手,去開樓下大堂、公司、洗手間啲門。

3.晚市大量特價外賣

餐廳晚市少了堂食生意,唯有盡推特價外賣飯盒救市。此舉給予我們許多平、靚、正的外帶飯款選擇。

更多文章:我們的「全城抗疫」小記

4.每次去超市的消費增多

可能唔知下次幾時再出街,不如一次過買多啲吧!咁就又增多了消費。尤指食物:零食、雪糕、薯片、甜品等的囤貨。

5.不過,有一樣嘢就真係買少咗……

就係文具、文房四寶了!因現在大多是網上做功課吧!

6.「嘩,啲 囝囡(同我)都肥咗又靚咗喎!」

食!大人待在家裡,無所事事,便會很容易食多咗,而孩子就更易!做功課之前要食少少嘢先、做緊時又嗌肚仔餓、做完慶功更要食。成日掛住食,開學後,肥二、三磅等閒事,唔知老師到時仲認唔認得我哋這些肥豬仔呢?!

當然,成日小咗做運動。政府場地小咗(或暫不開放),又難 Book咗。我們大人啲運動班又冇咗。係屋企自己做Yoga?班細路煩小陣已經走運了,仲邊有 ME-Time 剩呢!

7.「嘩,阿囝阿囡啲頭髮長咗咁多嘅!」

因未洗返學住,成日係屋企,又不用見人(Zoom 除外),所以遲遲冇去剪髮。其實,最主要係驚佢係髮型屋,手多多、周圍嚤、捽眼又捽鼻哥、當然更不想坐車去較遠相熟嘅髮型師度剪。結果……阿媽 D.I.Y!最多係喺返學前,疫情消淡時,再出去修剪多次,執番靚個頭吧!

8.記住提醒小朋友––睇得、用得耐電腦後,要多休息眼睛!

不論是上網學習、Zoom、或娛樂打機,小朋友係呢段時期,都用多咗電子產品。 家長記住提醒佢地要多休息一下眼睛!如果唔係,未到正式開學復課,就要去配眼鏡了!

 

 

 

【編按:以上內容為作者之個人意見及立場】

相關文章

【新冠肺炎】康復者仍留亞博方艙醫院 前線醫生釋原因

【新冠肺炎】醫生解答疫情FAQ 終極防疫貼士懶人包

自家製開檔 茶樓燒味檔豬肉檔 再玩外國M記Drive Thru

告別COVID19的日子 重新出發面對新挑戰

緊貼新冠肺炎最新相關資訊