2017-11-09

6.9K

決定好餵人奶,但現實就係咁唔如意

2kids

其實餵母乳係好睇天時地利人和架~因為睇返小朋友整個成長過程,餵母乳只係當中嘅其中一個部分……餵到梗係最好餵母乳啦,話晒奶粉嘅營養點及母乳好呢!

但就算唔夠奶餵唔到都唔好強求、順其自然、盡人事就得,唔洗自責,最重要嘅係媽媽同BB 都身心健康!唔係有口話人,無口話自己架,就講我個大仔,佢就係冇飲到母乳嘅BB!

當年阿仔G6PD,黃疸指數偏高,要訓箱照燈。而我,因為唔夠床位,被逼出院…… 姑娘係醫院就俾奶粉阿仔飲,一飲就80-100ML。第一次做媽媽嘅我,當時簡直覺得咁嘅奶量真係一個天文數字。出院之後,為免BB腸胃唔適應,而且見阿仔又食得、瞓得、POO得,就冇特別轉返飲人奶,跟之前醫院一樣餵雅培,一飲飲到而家5歲~都仲係早晚一杯,欲罷不能!

到第二胎生妹妹,我選擇餵人奶,始終覺得飲人奶係最自然,最合適,而妹妹都成功飲到1歲3個月!斷人奶之後,見哥哥都飲得幾好,我諗無需要轉牌子嘅必要,所以妹妹同哥哥一齊飲埋雅培!

早前我就受到親子王國邀請去咗「雅培HMO母乳寡糖Baby Shower 2017」活動,阿仔一去到會場就已經認得伴佢成長個隻bear bear

IMG_2536

當中請到兒科醫生講解初生BB常見問題。咁岩,正正係我哋睇開嗰個李國偉醫生!緣份就係咁奇妙~醫生提到母乳嘅成份除咗水、乳糖、蛋白質同脂肪外,當中仲存在「母乳寡糖」,簡稱HMO,100%存在喺母乳之中,可以支援BB嘅自生免疫系統及腸內益生菌成長、更有效幫助BB吸收、減低敏感。

原來經過呢15年,雅培盡力研發新技術,終於推出咗HMO母乳寡糖配方。雖然母乳係無可取代,但可以盡量貼近母乳,對於2歲以上仍要食奶粉嘅大BB嚟講,算係一大福音。❤

IMG_2535

工作人員姐姐請佢哋試飲新推出嘅HMO配方奶飲奶

姐姐:「點呀?好唔好飲呀?」

仔女:「………」因為Chur奶中,完全唔得閒答姐姐嘅問題,Haha!!

IMG_2539

雖然我已經有2個小朋友,但依然係活動中學到野,仲有禮品拎!妹妹一見熊仔行開咗,即刻問:「熊仔呢?熊仔去咗邊?」到走嘅時候,仲係咁要求自己拎住個同佢個人一樣咁高嘅熊仔袋,搞到自己寸步難行都唔肯放手!

IMG_2538

 

【編按:以上內容為作者之個人意見及立場】

相關文章

孩子只愛飲奶不吃飯怎麼辦?

【點揀奶粉?】各大品牌奶粉產地一覽

【a2 Milk 媽媽寶寶有「營」親子學堂】活動花絮

多個沒有對與錯的育兒方法 尊重媽媽的每個決定吧

緊貼新冠肺炎最新相關資訊