2019-05-15

1.3K

【免費好去處】海事博物館周末開放 體驗做小船長!

博物館一向係親子遊嘅好選擇,小朋友可以學到唔同嘅歷史文化知識之餘,亦可以放吓電,最重要係,香港好多博物館都免費入場!今個周末5月18至19日,香港海事博物館免費開放畀公眾參觀,小朋友更加有機會喺活動「顧國敏船舶模擬駕駛室」中體驗做個小船長!

小學常識書都有教,香港係以小小漁港起家嘅城市,再慢慢蛻變成今日一個世界級主要港口,但係讀萬卷書不如行萬里路,對於小朋友嚟講,親身感受絕對比齋睇書更容易留下深刻印象!

今次香港海事博物館為咗慶祝國際博物館協會每年設定嘅「國際博物館日」,將會喺5月18至19日免費開放畀公眾參觀,而且仲會舉辦一連串有關海洋、燈塔同埋港口設施等嘅特備活動,包括展覽、公眾講座、電影放映、手尋文物同埋親子活動,家長可以帶埋小朋友一齊參與其中,從中了解香港嘅海事文化同埋歷史故事!

館內仲會有多個珍貴嘅古船模型同埋工藝品,亦有唔少特別適合小朋友玩嘅互動展品,可以寓學習於娛樂!到時海事博物館禮品店仲會送出限量禮品,頂層咖啡廳Café 8亦會舉行現場音樂表演,節目相當精彩!


「進港了!」巨型棋盤遊戲
活動在海事訓練學院學生協助下進行。參加者將選擇操控各式貨運船舶,再利用學生提供的提示,確定船隻進入港口的條件與航道,親身領略香港航運業的工作概況!


《燈塔記憶:青洲燈塔》展覽
《燈塔記憶》是由香港城市大學邵逸夫圖書館與媒體與傳播系共同舉辦的跨學科燈塔古蹟研習實踐項目。


紀念印象:紀念品及其歷史
Morpheus Antique由一班熱愛收藏的愛好者所組成,專注於藝術、文化、歷史、工藝、古董收藏等不同範疇。本次公眾活動形式參考英國博物館的文物互動模式來進行。屆時負責人會在展示桌上擺放各類型文物讓公眾人士在參觀過程中接觸,從而產生了解文物背後故事的契機。

餘響遶梁-客家村落在大埔
「憶昔」是由一群熱愛和關注本土歷史文化發展的年青人組成,透過在社區舉辦多元的教育活動 ,向不同年齡人士推廣本土文化,從而加深香港人對本地文化的認識和欣賞。是次活動目的是透過小型展示和互動環節,以生動有趣的方法以小見大,透過香港的非物質文化遺產項目《圍名歌》,向大眾介紹當中隱藏的歷史故事與海岸變遷。

其他精彩活動包括:
- 顧國敏船舶模擬駕駛室(須於預先索取籌號)
- 《青洲燈塔檔案精選與互動式3維燈塔建築模型展覽》導賞團
- 「試自己導航」導賞團
- 青州燈塔紀錄片放映及3D模型展示 電影放映及講座
- 焦點座談

活動資訊
開放時間:上午十時至下午七時(閉館前三十分鐘開始停止售票)
地點:香港中環八號碼頭香港海事博物館(摩天輪旁)
門票:免費
如欲了解更多詳情,請瀏覽 香港海事博物館網頁Facebook專頁

【編按:以上內容為作者之個人意見及立場】

相關文章

尖沙咀 HKMoA 香港藝術館 – 重新開放(免費參觀)

假日異國文化體驗:塵封璀璨──阿富汗古文物展覽

國王的Fun Gift第六回:珠海橫琴國家地理探險家中心親子套票!寓學習於娛樂!

假日寓學習於娛樂推介—珠海橫琴國家地理探險家中心

緊貼新冠肺炎最新相關資訊