2020-06-22

4.5K

【社企餐廳】大人嘆半自助午餐,小朋友公園放電 | 平食放電之選

帶住和牛B外出用膳嘅時候,我哋會有幾個考慮因素。
當佢仲係BB嘅階段,我哋就會揀一間坐得舒服嘅餐廳。

而家4歲半嘅和牛B,喺餐廳選擇方面,我哋就會考慮到小朋友嘅需要。

更多文章:帶孩子到「騎樓底」下乘涼 @「618 上海街」



小朋友坐唔定,如果餐廳配合玩樂絕對係首選。



今次我哋就揀咗去油塘呢間社企餐廳到嘆午餐,呢間餐廳對出就有公眾嘅兒童遊樂場。

所以,我哋可以邊用餐,邊睇住和牛B去公園玩。

更多文章:BB班郊遊路線:小夏威夷徑 輕鬆看瀑布 簡易零難度



當日天氣超好! 所以,可以選擇餐廳戶外嘅座位到用餐。



餐廳亦設有室內座位
呢到係社企餐廳,所以餐廳嘅侍應大多以老人家為主。


睇完餐牌,可以直接於點餐紙寫上,再到收銀處落單,呢到係食完先俾錢嘅。餐廳為半自助餐形式,食物以中式為主,選擇亦都好多。但當然啦,價錢唔算太貴,所以唔可以對自助區抱太大期望。




【餐牌】


另有其他精美小碟菜式


亦有專為小朋友而設嘅健康小碟


半自助午餐仲有白飯係任添、沙律吧 (有粟米、車厘茄、芽菜等)、保健素湯、健康飲品、即磨咖啡飲任。



超鍾意自助餐文化嘅小朋友,可以好開心咁去自助沙律吧到取食物~

另有其他付費飲品。


手拍青瓜 $18


味道方面,真係超酸呀~不過好開胃!!


^ 古洞天然醬油雞 $68
個人覺得係好味呀~唔會太咸,大人細路都啱食。


^ 有機柑桔醬烤骨 $78
酸酸地,柑桔醬嘅味道好似梅子味,唔錯~


食飽之後,就可以去放電啦~餐廳旁邊嘅公眾兒童遊樂場,大船造型,有滑梯、攀爬繩網。


必影靚位!休憩、影相嘅花園隧道



【 銀杏館婆廚房@油塘】


地址:油塘高超道38號大本型空中花園R01號舖


【編按:以上內容為作者之個人意見及立場】

相關文章

緊貼新冠肺炎最新相關資訊