2019-12-22

660

【親子好去處】We Bear Bears 熊熊 聖誕陪你「昂」遊市集

天氣涼涼地,有太陽,最啱就係出去戶外活動。囝囝囡囡話好耐冇坐纜車喇,見呢排昂坪有聖誕新主題,就一家人上去玩一日啦。

天氣咁好,坐水晶車箱就最正,360度飽覽景色,淨係坐纜車都已經瘋狂影相。一落纜車,有個巨型聖誕打卡位,係「We Bare Bears」呀,三位主角棕熊、熊貓、北極熊,以聖誕造型打扮,好有氣氛。旁邊嘅港式奶茶杯,大大隻,亦係唔可以錯過嘅打卡點。

昂坪市集內,亦有「至熊打卡館」,館內有五大影相位,熊熊三兄弟等住大家入去留倩影。

另外,仲有三個工作坊。「熊熊聖誕手工輕食教室」,教授製作古早味手工糖蔥餅及港式絲襪奶茶。而熊熊朱古力工作坊,可以自己設計獨一無二嘅朱古力,發揮創意。順帶參觀埋巧克力藝術館,由朱古力製成嘅裝飾品,實在嘆為觀止。

三隻大熊熊,聖誕期間會於市集隨時出現,更會有世界氣球大賽得獎者,為大家扭出熊熊造型氣球。昂坪360亦特意推出一系列「We Bare Bears」精品,而打卡及即時上載 Facebook/IG, 仲可以攞走聖誕玻璃球。

由即日起至1月5日,3至11歲小童可以用$30驚喜價,購買來回纜車票,加$80升級水晶車箱。呢個佳節,一於好似我哋咁,一家大細上嚟玩啦。

【昂坪360×We Bare Bears 熊熊之約定 聖誕篇】 詳情

日期:2019年11月21日至2020年1月5日

時間:星期一至五 10am至6pm;周末及公眾假期 9am至6:30pm

地點:昂坪市集

工作坊及其他活動詳情,請參考: http://www.np360.com.hk

【編按:以上內容為作者之個人意見及立場】

相關文章

【小編玩樂推介】5個香港、澳門、台灣親子短途行程!

【利是封2020】新年商場活動+利是封合集(不斷更新!)

【馬術親子樂】「浪琴表香港馬術大師賽」駿雅名薈 多項合家歡親子節目!

【親子好去處2020】新年限定美食、米奇賀年禮品、特別優惠 迪士尼新春6大行運驚喜率先睇

緊貼武漢肺炎最新相關資訊