2019-08-02

2.3K

【觀塘全新!】7000呎 | 10+個主題遊樂 x 商店超市體驗x 商店超市體驗 x公主專區、波波池迷宮

https://youtu.be/Ilt8GZAg2iM

係咁炎熱嘅天氣入面,觀塘區又有喜訊啦!
就係觀塘區又開多咗一個新嘅室內兒童遊戲室「PlayLab 反斗研究所」。

場地面積超過7,000呎,入面特設超過10個主題遊樂及體驗區,包括主打嘅放電迷宮波波池,入面有多重障礙設計包括繩網陣、獨木橋、互動投影等。

^ 訓練手、眼、腳協調嘅繩網陣

^ 互動投影遊戲

適合幼兒嘅滑梯區,滑梯都係利有軟墊製作而成。

粉紅、粉藍配上透明波波,真係好夢幻呢。

迷宮底部亦係小朋友嘅世界

和牛B超鍾意玩呢個水管滑梯,因為透明度好夠,同埋好滑。

駕車小天地,最特別嘅地方就係有個加油站~

另有商店、超市體驗區,大玩像真度極高嘅蔬果、窩夫雪糕、台式珍奶、水果茶奶蓋、甜甜圈等;仲有專為幼兒而設嘅BabyGym,又好玩又可以訓練大小肌肉。

商店、超市體驗區

全部玩具食材都超像真,大人見到都覺得好興奮呀!!

一齊嚟扮蛋糕店店員啦~~
呢到嘅窩夫雪糕、台式珍奶、水果茶奶蓋、甜甜圈又係超像真!!

CookLab,煮飯仔廚房區。
呢個廚房,唔好話小朋友好鍾意,我嘅理想都係屋企有個咁大嘅廚房呀~

廚房空間都超大~設備超齊全。

廚房嘅另一邊,仲有餐台可以招呼朋友享用美食。

和牛B整咗我最愛嘅雞翼同雞翼尖俾我,仲配多杯珍珠奶茶添呀~

小女孩最愛嘅公主扮靚區,有齊梳妝台、多款公主衫免費穿。

^ 多款公主衫免費穿

換好公主衫,化返個靚妝~

馬上就可以登上公主舞台了~

釣魚池區

小男孩、小女孩最愛嘅工程區,仲有工程服裝免費穿。

^ 仲有工程車

除咗工程車、大積木,仲有木製粒粒沙池。

互動投影填色、畫畫遊戲,可在電腦台上進行填色或繪畫,再將作品投影到屏幕上。

近門口位置,仲有積木牆讓小朋友發揮創意。

仲有綠野Glamping空間,透過特大窗戶滲入陽光,映照著草原小木屋及綠色草地。

伴著跳跳馬、跳跳鹿等Jumpy玩具、影相超一流呀!

【設施】
場內仲設有育嬰室,方便媽媽換片
場內亦有多個Party房,可包房同朋友一齊相聚聯誼。

正門口旁有儲物櫃(租用只需$10),另有鞋櫃。

【入場費】
尋日我哋一家三口去,加入埋會員再同新張優惠。
一家三口只需$192就可以進場玩。

【新開張優惠】
即日起至8月11日,立即於此Facebook 帖子 留言 #playlab85,再 #tag3位朋友,即可享入場門票 #85折優惠!

即場入會,仲可以即時享有會員優惠。(入會完全免費)

【PlayLab 反斗研究所 @ 觀塘】

WhatsApp: 5507 5281
地址:九龍觀塘駿業街64號南益商業中心7樓
https://www.facebook.com/hkplaylab/

【編按:以上內容為作者之個人意見及立場】

相關文章

【親子好去處】市區全日任玩兒童室內遊樂場@PLANET J KIDS

【親子小旅行】2日1夜親子酒店 開電動車 X 跳彈床 X 泡泡樂園@嘉湖海逸酒店

【全新開幕】大型一站式室內遊樂場 千呎賽道飄移卡丁車 X 小小工程師迷宮球池@將軍澳冒險樂園

【親子好去處】全新開幕!小小工程師遊樂場X飄移賽車 將軍澳翩匯坊美國冒險樂園

緊貼新冠肺炎最新相關資訊