2019-04-13

5.9K

東京跨年之旅 2018 (親子遊)Day 2

今朝好早出發但好失望。一早已經 research 多個網站、FB 群組,但無任何資料可以話到我聽豐州市場開放日期。已經預咗 1月1日日本新年係會唔開但原來12月31日都已經唔開。雖然一早安排今日行程都主要係喺同一個區域,唔使白白再坐車但真係早咗好多起身出門口

未出市場前駅閘口有牌通知豐洲市場全個地區都關門,只好行番上去再搭多幾個站去下一個景點 Diva City 台場。商場其實都未開門但仲有高達可以陪下。

 

早餐都未食大家都極肚餓,快快係 food court 到醫個肚先。妹妹最愛食拉麵,哥哥就每次都係食魚生飯。食飽飽就分頭 shopping。

  

 

 

因為今個旅行最後一天會自駕但嚟到先發現冇戴眼鏡。咁就去配返副先啦,日本連所眼鏡舖30 分鐘有得攞,不過黑開有條路。一開始個幅眼頸框就被個配鏡師整爛咗,仲要係最後一幅。要選過幅貴 3千円仲要多等30分鐘

 

再行隔離商場,你就發現咗一間買好平嘢嘅 shop 叫 Shimamura。運動C牌子衫係3千円都有。

就離開出發去大江戶溫泉物語。嚟東京咁多次都係第一次嚟。見妹妹咁鍾意溫泉所以先安排呢個景點,加上呢到係大眾打卡位

 

男女分開入場,哥哥就負責照顧表弟 ⋯ 但唔知乜嘢事 ⋯ 等左好耐哥哥同表弟都未出嚟。哥哥出到嚟面黑晒因為佢話表弟好多嘢問。哥哥又有笑,浴袍吊帶係打咗最少十個蝴蝶結 表弟嗰條都唔使多講啦,因為都係去打

 

 

 

氹番哥哥要快快畀嘢佢食。食完food Court再入餐廳食。呢到價錢無想像中貴。再行出去露天足湯後就入大浴場。其實逗留左係呢度好耐因為不停搵人,入餐廳前唔見咗表弟,離開足湯又唔見咗哥哥& 表弟。

上網抄資料有關東京跨年倒數地方,日本人新年係1月1日所以搭正12點都會係寺院參拜。又想到婆婆未必可以留到係街到12:00,都係搵個地方食飯又近返酒店。

Caretta Shiodome カレッタ汐留又近台場出嚟又近返池袋,仲有燈飾展。出站後又無乜指示牌都行嚟行去搵。搵搵下哥哥話佢聽到音樂,跟住去搵。燈飾展係做緊 Frozen 所以遠遠都聽到唱主題曲

晚餐係預訂咗商場樓頂餐廳但因為某某原因就取消了。Caretta Shiodome カレッタ汐留除餐廳外其實無任何有趣的商店,加上除夕好多都無開門。

 

安排左婆婆姨婆及表弟返池袋後,我地幾個就去新宿行下。行咗 Bic camera 後就去睇哥斯拉酒店,串家物語門口睇睇下。外籍服務員走出嚟拉客仲話收哥哥學生價,C9 媽仲唔立即走入去成日嚟日本真係第一次食呢個。飽到抱住個肚離開新宿返池袋,仲去咗激安殿堂先返酒店倒數。

 

 

呢間酒店真係靜得可憐 ⋯ 大堂餐廳有倒數活動,二百円有飲品有小食但一個人都無

#DivaCity
#大江戶溫泉物語
#CarettaShiodomeカレッタ汐留
#串家物語
#東京

Day 2 完

【編按:以上內容為作者之個人意見及立場】

相關文章

緊貼新冠肺炎最新相關資訊