荃灣體育館係荃灣首個有兒童遊戲室的場館，
座落荃灣西西鐵站附近，如果搭西鐵落車後
行不到五分鐘就可到達。
嬰兒車停泊處
拎完籌可以到等候區坐
每人一個籌
儲物櫃（可放鞋，水壺同手袋）
最重要貴重財物跟身
兒童遊戲室係以海洋世界為主題，周圍既佈置都比海洋生物包圍住，由等侯室經玻璃望入去，感覺真係好似入左深海甘。
好大架潛水艇吖
遊戲區入面會見到有一大架潛水艇
等緊你地爬高爬低，上下兩層會有
不同難道既障礙物，通過晒先可以
去玩瀡滑梯
多種障礙物
終於可以瀡滑梯喇
遊戲板
另外牆上有多個遊戲板，訓練小手肌肉發展跟協調。
整體上地方較為闊敞，小朋友都有足夠地方跑來跑去。
有多款大型軟積木，海洋生物軟性海綿
遊戲室外的育嬰室
可以乘扶手電梯上L2欣賞下海景
可以邊做運動邊幫電話充電，岩晒我。
體育館外的兒童遊樂場
❣到場Tips❣
遊戲室地墊只限於（潛水艇部份），較小BB玩時家長要睇實。
請留意去玩前必須提前拿籌，遊戲室分11個時段，由早上8:30到晚上8:30為止(每時段玩45分鐘)。
每時段開始前30分鐘派籌，派完即止。名額40位
（*假日會比較難取籌,要預早到達）
經過多月既觀察，平日早上9點，下午3點半同晚上7點時段會比較容易。
**荃灣體育館**
地址：荃灣永順街53號
開放時間：每日7:00am-11pm
（兒童遊戲室最後一節為晚上8:30-9:15pm)
每月第一和第三個星期四7:00am-1:00pm則暫停開放，以進行定期保養。
交通：西鐵荃灣西站D出口（步行約5-8分鐘左右）
