2019-05-30

977

韓國親子遊2019 – 第一天首爾行

今年復活節我地一家嚟個九日韓國之旅, 兩公婆帶住兩個細路遊走三個韓國地方, 首爾、釜山和濟州, 每個地方平均逗留三天。大家都知我算成日去韓國, 不過釜山及濟州就真係第一次去, 所以都好期待!

好啦! 我就由我地第一天首爾之旅寫起吧!

出發啦! 雜果似乎好眼瞓,上機要瞓下。

今次我地第一次帶小朋友搭大韓航空, 講真大韓價錢平啲, 而且服務及食物好好, 空姐派小朋友禮品畀雜果沙律, 兒童餐又靚, 連headphone都特別為小朋友預備兒童版, 真的不錯!

大韓好貼心為小朋友預備嘅禮物包, 仲有專為小朋友而設嘅headphone。

兒童餐是一個Burger

經過幾個小時機程, 我地到達首爾啦!

晨早到達, 過埋關, 仲要等一段時間才有第一班機場巴士到酒店。
上兩年我都沒有坐機場巴士, 原來依家佢地等候巴士地方靚咗, 唔使企係街等, 而且巴士座位好舒服! 我地乘坐機場巴士6001到我地的酒店~Novotel Ambassador Seoul Dongdaemun Hotels and Residences。酒店位於東大門歷史文化公園附近(下面再詳細介紹)。我地到東大門先Check in, 寄存行李。之後去附近的Isaac toast醫醫肚, 跟明洞Isaac toast一樣都有很多遊客. 但個人覺得明洞那間味道好吃啲。

東大門的Isaac Toast

Isaac Toast (東大門分店)

地址 :18-187 Euljiro 6(yuk)-ga, Jung-gu, Seoul, South Korea (서울특별시중구을지로6가 18-187)
營業時間: 24 hours

交通:2、4、5號線「東大門歷史文化公園站」14號出口
地圖:
由於搭了一程夜機, 而且酒店未有房間, 所以我決定帶雜果沙律到酒店附近SPAREX汗蒸幕焗一焗, 兼瞓返個好覺。其實上兩次跟朋友去首爾, 我都有去過呢間汗蒸幕, 首先這裡夠方便, 而且算企理,所以搭夜機必定嚟這裡抖下。對於雜果沙律, 汗蒸幕是一樣新事物。本身雜果沙律都喜歡日本浸温泉, 而這裡也有熱水池浸浴及焗汗蒸幕, 佢兩個不知幾興奮。之後瞓咗差不多2小時, 成個人醒曬, 兩個妹妹活力充沛, 可以一起出動了。

SPAREX汗蒸幕大堂, 職員會畀佢地嘅衫我地到更衣室更換。不過大家必須在入面沖沖涼, 之後才可更換衣服。

雜果沙律好搞笑,戴上羊角。當然我沒有畀佢地焗98度高温啦!我自己都頂唔順。

焗完瞓一覺,唔好見木板,驚瞓㕶到。其實攰去到邊都瞓得到,哈哈!仲要不知幾好瞓。

焗完汗蒸幕,加一覺,真係精神爽利!

SPAREX汗蒸幕

地址 : 247 Jangchungdan-ro, Gwanghui-dong, Jung-gu, Seoul (Good Morning City大樓地下3樓, 서울특별시 중구 장충단로 247 (을지로6가) )
電話:02-2118-4400
營業時間:24hrs
交通:2、4、5號線「東大門歷史文化公園站」14號出口
地圖:

第一天行程唔多,因為我夜晚要出動。故我地主要在東大門附近行下。首先去汗蒸幕對面的東大門歷史文化公園逛逛,雜果沙律的目標是KakaoFriends的專門店,佢兩個好鐘意Kakao嘅Apeach同Ryan,其實我自己都好喜歡,太可愛!我地於店內跟不同公仔裝飾影相打卡。當然我地亦有收穫啦!

東大門歷史文化公園出面的新標記 ~ I SEOUL U

Kakao Friends Store(東大門DDP店)
電話:02-2231-3552
地址:首爾特別市中區乙支路281(乙支路7街) (서울시 중구을지로281)

營業時間:10:30-23:30
官網:https://store.kakaofriends.com/en/index
交通:2號線,4號線,5號線「東大門歷史文化公園站」,DDP地下2樓和諧廣場前


之後, 我地去每次韓國必吃的School Food。雖然香港有得食, 但香港依家剩低嘅店都一啲都不好食,所以嚟到韓國食返正宗嘅School Food好味好多。

食完嘢, 行完街,已經差不多5:00,我地就返酒店休息一下。我地今次揀咗東大門新開的Novotel Ambassadors Seoul Dongdaemun Hotels and Residences住宿。

講真我從未試過住東大門,所以次次未能晚上於東大門瘋狂shopping。網上見到呢間新酒店,位置算是便利,步行到aPM Place約10分鐘,亦有機場巴士到達門口, 而且附近也有好多找換店及食市,所以超級推介。

酒店房間裝修以新穎時尚為主, 房間唔算好大,但開兩個大喼也可以。我最開心係佢房間有燙衫板和燙斗。我下次再去首爾一定會揀佢(除非有間更新更方便的酒店)。

酒店正門

酒店房間 (廁所是可以開放式)

房間和洗手間都算企理清潔

Novotel Ambassadors Seoul Dongdaemun Hotels & Residences
電話: +82 2-3425-8000
地址: 238 Eulji-ro, Gwanghui-dong, Jung-gu, Seoul, South Korea (서울시 중구 을지로 238)
交通:2、4、5號線「東大門歷史文化公園站」7或12號出口
官網

休息完,我地就趕去「馬場洞」食晚飯。「馬場洞」畜牧市場是首爾最大肉品處理市場, 亦是平食韓牛的地方,老公話想試一間叫「龍門家」的燒肉店。我都是第一次去馬場洞,可能是晚上時份, 所以市場內有些肉店已經關門, 比較靜。

「馬場洞」畜牧市場

沿路也有一兩間零星肉店


沿住市場直路行到街尾轉左就差不多見「龍門家」, 上網見好多人力推此店, 又話好多人排隊, 但眼見店內冇乜人, 店員更走出來拉客, 心諗是否被人吹捧, 或是這店不是正宗?

「龍門家」門口


最後怕成為水魚, 見對面一家烤肉店本地人數比「龍門家」多, 於是決定相信自已的眼睛, 去了這家「몽실이네」。店內有個大雪櫃, 放滿不同韓牛,大家可以係雪櫃前自由選擇, 店員最後推介我地吃韓牛拼盤, 有不同類型的韓牛, 我地點的是Won 65,000, 大概HK$450左右, 真的很平, 一盤都已足夠我地一家四口吃, 但大家留意佢有其他額外收費及飯錢, 所以最後埋單大概是Won 80,000。
味道方面, 我覺得有一兩件牛味不太濃, 整體來說味道一般,不是我在韓國吃過最好吃的韓牛燒肉。
這就是我地點的韓牛拼盤

這裡裝修如一般韓國食店, 但地方算企理。

몽실이네 토종한우 직영1호점
電話:02-2299-3365
地址:761-8 Majang-dong, Seongdong-gu, Seoul, South Korea (서울특별시 성동구 마장동761-8)
營業時間:10:30~00:00
交通: 5號線 「馬場站」1 號出口

食完飯, 就是我夜晚去衝刺時間。第一間我當然行近酒店的aPM Place, 這裡有10層, 款式和質素都不錯,真係有排行。不過這裡是批發的, 大家最少要買兩件才可以。我係度行到唔多想走, 不過也要趕去另一邊批發市場發掘靚衫。這裡可謂越夜越精彩, 所以住係東大門是非常方便。

由於掛住shopping, 完全忘記影相, 圖片來源自: http://www.apm-place.com
aPM Place
地址:276 Eulji-ro, Euljiro 7(chil)-ga, Jung-gu, Seoul (서울특별시 중구 을지로7가 을지로 276)
營業時間: 20:00-05:00 (星期六休息)
交通: ·2、4、5號線「東大門歷史文化公園站」10號出口

【編按:以上內容為作者之個人意見及立場】

相關文章

【旅遊2019】5個親子聖誕旅行好去處(含景點推薦、KOL分享)

【韓國親子遊】親子行李漂帶便宜格價、即訂即取@弦大店

【韓國親子遊】全年四季冰天雪地 x 坐雪橇@Onemount冰雪樂園

【韓國親子遊】媽媽行程篇! 弘大、梨大、明洞CP值爆高購物美食攻略

緊貼新冠肺炎最新相關資訊