The ONE ‧ Pochacco新春行運樂團圓

Sanrio角色喺香港咁有人氣，新年又點少得佢！今年The ONE商場中庭化身成Pochacco朋友居住嘅軟綿綿鎮，齊齊慶狗年！

門口就有風車迎接大家，可以打完卡先入去探Pochacco，再行個新春大運。

入到中庭就嚟到軟綿綿鎮，圓碌碌嘅小屋繽紛又可愛！Pochacco勤力地種滿肥肥白白嘅蘿蔔，喻意新一年糧食豐足呀！

呢間喺蘿蔔田後面嘅蘿蔔小屋係打造美味食物嘅廚房，Pochacco用親手種嘅蘿蔔烹調出美味嘅賀年食品——蘿蔔糕！小屋佈置精緻，咁得意嘅情景，真係好想喺度影返張相！

紅蘋果小屋唔止紅噹噹夠應節，而且內有乾坤。其實係「團圓照相館」！Pochacco同一班朋友扮鬼扮馬，轉換多款新年造型，一齊影低歡聚一刻。仲可以下載新春團圓全家福，即時同親朋好友分享！由1月21日到3月4日都有得玩。

喺The ONE消費滿一定金額就可以換取「丁財兩汪利是封」同「盆滿缽滿儲物箱」，啱曬嚟緊新年用喇。

數量有限，鐘意嘅就要留意換領日期：
丁財兩汪利是封：1月20日至2月15日
盆滿缽滿儲物箱：2月16日至3月4日

被Pochacco肥嘟嘟嘅魅力俘虜嘅大小朋友，仲可以去期間限定店帶佢返屋企！

由即日起到2月11日，逢星期六日喺地下露天廣場參加活動，就有機會獲得Pochacco鬼馬食字揮春。

現場仲有機會同可愛Pocchaco互動！喺1月27日同2月3日有「Pocchaco新春見面會」，Pochacco將會現身向一眾粉絲拜年～