2020-06-10

5.4K

【包媽孕記】Coffee幫囝囝戒奶好殘忍?請尊重媽媽們每個決定

早幾日睇到單新聞,Coffee幫囝囝翟伯伯戒奶,video入面翟伯伯不停喊住叫媽媽,好傷心睇到好心痛。


 











在 Instagram 查看這則貼文



















 

I miss you too ?


??‍♀️C O F F E E L A M??‍♀️(@coffee89921)分享的貼文 於 張貼


作為一個母乳媽媽,個個都想俾最好嘅營養小朋友,做到自然離乳,但見到有網友留言鬧coffee殘忍,自己有一絲絲戥Coffee慘……

以前啲人覺得BB一兩歲大個啦,唔應該再埋身食人奶,人奶唔夠營養XYZ母乳媽媽聽到當然反晒白眼,依家亦主張唔好再一刀切幫小朋友斷奶,令BB建立足夠安全感再自然離乳,即係等到小朋友自己有一日準備好,自己話唔再需要埋身飲奶先停。

更多文章:【包媽孕記】QE順產27小時全紀錄(上)[極長文慎入]
更多文章:【包媽孕記】QE順產27小時全紀錄(中)[極長文慎入]
更多文章:【包媽孕記】QE 順產27小時全紀錄(下)[產後房&A11私家房]

Coffee將囝囝放到公公婆婆屋企,打電話視像時囝囝好掛住媽媽爆喊,好掛住媽媽奶……有網友覺得佢狠心「何必突然斷奶咁殘忍﹗」,「有奶你都唔繼續餵」,但真係老套講句,一家唔知一家事,Coffee都有耐心留言講個真相,翟伯伯係奶痴,19個月大仲一日啜九次,睡眠質素唔好,因為飲奶唔肯食固體,Coffee身體亦出現問題……

更多文章:【包媽孕記】瘦B媽媽心裡苦 家人好友慎言當幫忙
更多文章:【包媽孕記】Ep. 132 --- 做媽媽原來連生病權利都沒有……

呢單新聞令我反思,媽媽們每個都想俾最好嘅嘢小朋友,餵到人奶邊個唔想餵,可以全人奶邊個想補奶粉?大肚至今見過唔少「你勤力啲就會增奶架啦﹗」有媽媽到11個月仲半夜起身泵都追唔到全人奶,你敢話佢唔夠勤力嗎?「有人奶做咩唔餵?」

另外一個朋友乳腺過份發達,上奶湯炒米茶唔敢飲都一個月塞奶3次,乳腺炎之苦母乳媽媽應該深深明白,最終佢好快決定收奶,起碼,可以保住健康身體花多d時間心機陪bb,難道又可以話佢唔啱嗎?COFFEE個CASE,當真係去到影響兩母子健康,仍然依舊堅持自然離乳嗎?

更多文章:【包媽孕記】終於足月了﹗準媽媽孕期十萬樣擔心
更多文章:【包媽孕記】QE順產走佬袋懶人包(實戰後清單)

每個決定總有背後考量,揀母乳定奶粉,私家生定公院生,blw定tw,請大家唔好喺未認清事實全部之前,亂去批評其他媽媽嘅決定同選擇,尊重每位媽媽湊仔方法,一定會喺可控制範圍內俾最好嘅嘢小朋友﹗互勉之﹗﹗

更多分享請follow FB Page: @雲妮手札

【編按:以上內容為作者之個人意見及立場】

相關文章

【嬰兒營養】母乳前後奶營養有別 餵哺時切勿太快換邊

緊貼新冠肺炎最新相關資訊