當楠哥行咗BLW一段時間，大約去到一歲。佢經歷緊一個問題——掉食物。
其實楠媽睇過一d有關育兒嘅書/文章，提到8-12個月嘅嬰兒喜歡掉野嘅原因係發展空間感。佢地會開始發現三維空間，覺得攞住一些東東，由上而下咁跌落地下很有趣，鍾意睇。所以楠媽從來沒有因為呢d事而鬧佢。楠媽覺得佢呢個月齡鬧佢沒有必要。小朋友對身邊事物好奇係天性，咁樣佢地先會對生活各種事物有興趣，會自己發掘各種新奇事，活著才有意義。
而且呢個月齡未到好了解父母打/鬧嘅真正背後意思。咁樣做，似乎會埋沒了寶寶嘅好奇心。好奇心令寶寶明白因果關係，也促進記憶力發展。有些東西你講10次、20次、100次佢唔會明白。但只要自己親身經歷，只要1次、2次、3次，寶寶一定會好深刻。（沒錯，楠媽係虎媽，當bb係小童咁教）
講番正題，楠哥1歲，容易分心，會受周圍環境影響，而且對食物有了喜好。經過楠媽觀察，佢有以下幾個情況會掉食物。
1. 唔滿意某種食物
2. 分心唔正經
3. 食飽
楠媽處理手法係本住要佢親身經歷嘅原則。我唔打、唔鬧，我目的只係想佢明白，唔珍惜食物就得自己承受肚餓嘅結果。反觀，我打佢鬧佢，沒錯，佢係會知唔准掉，但佢唔會明點解唔准掉，可能佢唔掉只係為咗唔想被打被鬧，媽媽不在場嘅時候，佢又會瘋狂掉。我唔想我嘅孩子係因為怕我而唔做某些事，我要佢打從心底明白點解唔可以。因為媽媽好愛孩子，比孩子嘅感覺係唔應該可怕。將來也是，我唔希望我嘅孩子因為怕我，而講大話，喺我面前很乖，在我背後很壞。（我一直一直提自己，唔想將來後悔）
要佢親身經歷挨餓了。有一次佢食午餐，因為唔喜歡食物質感/某款食物（由於是楠爸煮，而楠爸當時唔了解佢），佢竟然瘋狂掉，幾乎沒甚麼落肚。楠媽好冷靜，一而再再而三咁問楠哥⋯…
「你係唔係唔食？」
楠哥發狂似的在叫，手不停掉。
「媽媽問多一次，你係唔係飽？」
楠哥似乎唔想理我，攞起餐盤。
「好啦。咁媽媽收起餐盤，你到下一餐才吃吧⋯⋯」
結果，楠媽真係等4小時後嘅晚餐才再次提供食物比楠哥 (現時係3固1奶，只有睡前奶)。楠哥太肚餓，一見到餐盤竟然立即大哭，我還是正常速度準備——帶佢去洗手、放佢去餐椅，戴好圍兜。今次佢很快很快全部吃完了，還要拍手笑 (仲追加了藍苺一盒) 。佢似乎發現，要珍惜眼前嘅食物了。
或者有人會覺得我好過份，點解可以忍心要寶寶挨餓。但我更加唔願意寶寶不明不白咁被打被鬧，要打佢終止佢嘅行為好容易。楠媽覺得要寶寶真正明白每件事嘅真正意義，才是為人父母嘅職責呀。外人看寶寶很心痛，其實楠媽我比誰更痛心呀。楠哥是我懷胎十月生下嘅寶貝呀～
HappyBLW!
楠媽
相關閱讀：
【楠哥BLW二三事】BLW小知識-Gagging vs Choking
