2020-03-31

544

「嘗試」

2020年1月25日大年初一,
你終於學識踩單車。終於,
因為之前其實教過你兩次,
根本你已經完全平衡到,
係爭在個膽。今日再試之前問你有冇信心,
你真係有信心咁答有,
然後一上車就話「啊好驚呀」。「眼望前,坐直,伸直手,keep住踩。」
扶你一兩次你已經踩到啦。

再教你自己起步,
呢個難少少,
試咗幾次都未得。

「你要信自己做到先得架」
「我可以做到嘅,我可以做到嘅!」
「1、2、3!」

得咗。

望住你踩住架單車周圍衝,
我又想喊,黐線。


由你第一下上車嘅反應,
我以為今日都係無功而還。
點知10分鐘唔夠你就搞掂咗。

萬物都有定時,
唔努力真係一定唔得,
只係努力咗都唔一定得。

之前我都係一樣咁教你,
只係時候未到,
我都冇得急。

盡力同平常心,
好似好矛盾咁,
但係如果搵得到兩者嘅平衡點,
嗰個狀態真係好奇妙。

凑仔,
真係學到好多嘢,
遇,多謝你:)


【編按:以上內容為作者之個人意見及立場】

相關文章

【婆孫情】孫仔一句話 婆婆即與孫仔回收紙盒做手工

【親子生活】「在家玩甚麼系列」之玩樽蓋

【親子出行】3 個方向助你輕鬆選擇最適合的家庭車

【野餐旺季啟動】罐頭豬LULU PIG-NIC野餐豚花仙子造型萌翻青草地

緊貼新冠肺炎最新相關資訊