2020-04-02

569

「選擇」

食橙。

我搣開一舊舊畀你,
你發哂脾氣話要成個搣完皮就咁食。

「成個食啲汁周圍標呀大哥。。」
我心諗。

幫你冷靜嘅同時,
我又拎一個橙再搣畀你,
今次真係搣完就成個畀咗你,
你當然係勁開心。

提你個橙中間條芯唔食同慢慢咬之後,
你眉飛色舞咁食哂成個橙,
仲食得幾乾淨tim。


搣開一舊舊食,
定成個就咁啪,
其實都只係選擇嘅問題,
當然背後考慮嘅原因唔同,
但係無論揀邊個方法,
都唔關「對錯」事。

既然唔關對錯事,
我應該尊重你有選擇嘅權利呢。

陪你學點做選擇,
重要過成功命令你跟我嘅選擇太多太多。

【編按:以上內容為作者之個人意見及立場】

相關文章

【婆孫情】孫仔一句話 婆婆即與孫仔回收紙盒做手工

【親子生活】「在家玩甚麼系列」之玩樽蓋

【親子出行】3 個方向助你輕鬆選擇最適合的家庭車

【野餐旺季啟動】罐頭豬LULU PIG-NIC野餐豚花仙子造型萌翻青草地

緊貼新冠肺炎最新相關資訊