話咁快，Timtam仔已經去左兩次旅行，一次韓國同其他家人去首爾玩，第二次去日本沖繩我地一家三口自駕遊，由第一次帶住BB去外地好驚會出現咩狀況而搬左成個屋企去旅行，到第二次已經駕輕就熟隨遇而安享受旅程，當中媽媽我做左好多功課，亦都有小小心得想分享比大家！
當決定同Timtam仔一齊去旅行時，我係最擔心搭飛機呢一個大挑戰！Timtam仔係一個好動BB，去韓國要3個半小時機程，一想到3個半小時佢不停扭計的話，真係一個大災難！
所以我第一樣要做的，就係不斷睇其他爸爸媽媽遊記打定個底，袋定357件法寶，到時見招拆招！
終於…去程Timtam仔全程訓，回程就玩足我3個鐘先訓到！對比兩程飛機的經驗，我得到一些心得！不過每個BB都唔同，作息習慣又唔同，每個歳數的BB或小朋友需求又唔同，所以我只以20個月大的Timtam仔作經驗分享，希望幫到其他爸爸媽媽當作一個經驗參考啦！
1. 航班時間安排 - 好重要！
今次係同家人一起去旅行，其實我知道韓國不太適合小BB去，但難得各家人都夾到時間，唯有做多點準備，機票係由家人安排，因為用里數換機票的關係，一看航班的時間很差啊！去程和回程的時間都是下午1:30pm, 扣除搭車時間，一早食個早餐就要起程去機場了，邊到都去唔到！雖說我們旅程是有6日5夜，真正可以去玩就只有中間4日！
但後來我先後現，真係錯有錯著！冇錯！以前未有小朋友去旅行一定要早機去晚機返，玩盡每一小時！但原來同BB去旅行，首要都係跟隨BB的作息時間，如果上飛機時剛好是BB平日訓覺時間，咁要氹BB訓覺就容易好多喇！
平時Timtam仔多數12pm食午飯，2pm開始午睡，搭1:30pm機剛好係佢訓覺時間！去韓國果程機，Timtam仔起飛後半小時就訓左，一直訓到落機先醒，嘩！超開心！
可惜回程時，因為我決定錯誤，Timtam仔不停扭眼訓但又訓唔到，出盡法寶之後，係臨落機前30分鐘先至訓得著（反眼）！
心得：航班時間的安排最好是BB的訓覺時間！不過不建議零晨機，萬一好似Timtam仔咁到左時間都訓唔到，真係好大鑊！
2. 嬰兒/ 兒童飛機餐？
原來機上有分嬰兒餐及兒童餐，一定要預先book定，唔好比2歳以下嬰兒餐誤導左，因為我地今次就係book左嬰兒餐，點知佢係比樽裝果容！最慘Timtam仔唔鍾意食淋patpat食物，無奈地由媽媽我食左！
之後的沖繩之旅我地改book兒童餐，就真係好似大人餐一樣有飯有餸，仲有雪糕食添！Timtam仔好鐘意食，我試過味道比大人餐淡，所以都可以接受！
3. 同BB做心理準備
第一次搭飛機，對歳半BB黎講唔知發生咩事，我同爸爸一直都有話比仔仔知，我地要去旅行，要搭飛機喇！去到機場見到飛機起飛就會好興奮話佢知，我地一陣就搭飛機喇！等佢覺得搭飛機係一件好玩的事！
4. 想bb訓足全程秘訣
一定要係上機前食左飯先！如果你選擇上左飛機先食飛機餐，由起飛到空姐派餐比你已經要半小時，食飯又半小時，食完又可能玩一陣、扭下計先訓到，前後咁攪法已經兩粒鐘，沖繩個轉旅行，阿仔就係臨落機個15分鐘前先訓著左??♀️
所以，最好係上機前先比bb食飽左先，然後再係閘口等上機時，搵機場兒童遊戲區比佢活動下，放下電！機場有好多個區域都有兒童區，有軟墊唔怕小朋友走來走去跌親，韓國個轉旅行阿仔用左呢個方法，成功由上機訓到落機，超爽！
5. 準備小法寶
如果BB真係好精神，唔願訓！咁就要拎d法寶出黎同佢消磨時間！我會帶幾樣佢平時最鐘意玩的玩具，再加幾樣全新未玩過的小遊戲或書本，總數有10樣！當每個遊戲玩15分鐘，10件就頂到150分鐘，兩個幾鐘架喇！
不過我試過真係玩哂都攪唔掂，我就開飛機上的兒童遊戲比仔仔玩！可能平時我唔會比仔仔玩手機，所以佢個次覺得好好玩，呢個係最後一著！真係用哂法寶先會用到！
6. BB籃其實唔太大
如果BB終於訓左，恭喜你呀！唸住用BB藍？咁要睇睇BB有幾高幾重呀！以我搭國泰為例，?重係12kg, 即26磅左右，當時20個月大Timtam仔已經28磅喇！
而且目測個BB藍唔係好大，就算Timtam仔勉強訓落去，對腳一定申唔直！BB藍比較適合一歳或80cm以下BB用！
7. BB車唔一定要hand carry!
BB車唔一定要用摺得好細個隻去hand carry架！一般的BB車都可以推到去過關，再係上機閘口先交比機倉人員幫你放好！只要係check-in 時話比地勤空姐知有BB車隨行，佢會幫你登記，有兩個選擇：
1/可以選擇一落機就拎返架BB車，
2/ 或者係行李輸送帶同行李一起拎
之後會比個大膠袋及一個掛牌掛係BB車度，過左關去到閘口將BB車收好，連埋膠袋交比工作人員就攪掂架喇！非常方便！
8. 記得帶水比BB飲或沖奶
只要係買infant ticket，即2歲以下BB, 隨行所帶的水係不限架！所以記得帶定足夠水上飛機，因為機倉好乾燥，要不時比BB飲水補充水份，記得唔好問空姐要水，睇過一d空姐秘聞話其實機上的水缸長期唔洗架！如果真係需要，就問空姐拎包裝左的杯裝水頂住先啦！
9. 同BB上機可排關愛隊
大肚時媽媽們可能享用唔到關愛座，同BB搭飛機終於可享用呢個福利！係香港過關及閘口登機時，只要同BB同行，一家人都可以用關愛隊過關及入閘上機，等大家可以早少少上機安頓好BB, 方便好多！
10. 去日本入關時記得要填哂酒店地址
去沖繩個次入關時，爸爸好懶，冇填哂入境紙要填的資料，比日本工作人員白眼?️，記得記得記得連酒店地址電話都要填哂，大家入境時就唔會比人黑面喇！
講住咁多先！之後會陸續再出韓國和沖繩的景點介紹！希望大家有個開開心心的假期啦！
Facebook: Timtam仔的成長日誌
IG: Cheerfulchristy
