2021-02-15

2.3K

【在家Messy Play】100%食物製顔料 x 安全放心 x 污糟貓

疫情嘅關係,好多幼兒playgroup場地都唔能夠開。就算有開,都未必敢去。呢段時間,家長唯有不停諗吓喺屋企有咩好玩啦!

最近,我就同和牛b及妹妹一齊玩Messy Play,妹妹超投入玩到污糟邋遢!其實Messy Play 又叫Sensery Play,即係感官遊戲。透過遊戲,幫助小朋友探索、嘗試,從而刺激感官發展。

如果鍾意蒙特梭利嘅教學,就非常啱了!

更多文章:【放電好去處】元朗親子農莊 彈床、手搖船 | $180任玩全日

因為蒙特梭利係特別強調幼兒唧感官發展,而各個成長階段都有唔同嘅敏感期,所以家長亦可針對小朋友唔同嘅階段配以相應遊戲。而Messy Play最大嘅特色就係冇特定遊戲規則,讓小朋友可以隨意玩,玩到「污糟邋遢」!!

更多文章:【親子落廚】| 簡易火腿腸仔粟米Pizza。食譜分享

今次我用咗兩種食材,南瓜和紅肉火龍果,有兩隻顏色。

而重點係,唔需要加任何麵粉類或添加品都能夠製成顏色使用,所以就算小朋友放入口食都完全冇問題!!只要將火龍果放入攪拌機打爛就已經可以當顏料用,顏色非常靚!!而南瓜就先蒸熟,再加水打爛。

擺好陣就可以開始玩Messy Play啦~~(膠台布鋪地下,畫紙)而鋪地嘅膠台布,建議鋪嘅範圍有咁大得咁大~衫仔方面,都建議著啲比較殘舊,污糟到洗唔甩要掉都唔心痛嘅衫~

更多文章:【親子互動】自製DIY魔法泡泡球

完成嘅兩幅大師級畫作

完成嘅兩幅大師級畫作

最初妹妹都唔知道係咩一回事,經家姐和牛B教佢玩之後。妹妹就超級開心,仲玩得好投入~

MeWe專頁: https://mewe.com/p/和牛b的成長日記

【編按:以上內容為作者之個人意見及立場】

相關文章

【婆孫情】孫仔一句話 婆婆即與孫仔回收紙盒做手工

【親子生活】「在家玩甚麼系列」之玩樽蓋

【親子出行】3 個方向助你輕鬆選擇最適合的家庭車

【野餐旺季啟動】罐頭豬LULU PIG-NIC野餐豚花仙子造型萌翻青草地

緊貼新冠肺炎最新相關資訊