2018-07-13

1.4K

【大玩水花又睇Show】迪士尼巨星嘉年華

作為迪士尼粉絲就當然係一有新活動推出就要入園睇下係乜東東,所以今日小小豬放學之後,就同佢入園玩一轉,實行大玩水花又睇Show啦~

今個夏天迪士尼分別有兩大新節目推出,既有一大班彼思朋友仔做主角嘅「Pixar水花大街派對」,仲有舞台表演嘅「魔海奇緣凱旋慶典」,當然仲有以暑假推出嘅電影《超人特工隊2》嘅朋友仔嚟同大家集郵添。

坦白講,係咁多項新節目當中,我就期待嘅就係水花巡遊。還記得當年小小豬都未出世,我地相約同樣幾對新婚夫婦入園玩。初時以為只係簡單噴小小水,點知最後我地幾個都濕晒,不過大家都玩得勁ENJOY。今年再來嘅水花巡遊,小小豬就可以自己親身感受。

入得嚟玩就緊係要盡慶,所以就去左灑水區睇巡遊啦(當然...如果唔想濕身,可以選擇去非灑水區睇呀)~

真係唔講笑灑水區,啲水真係噴住出嚟,雖然係會整濕個身,不過真係好ENJOY呀~

一輪噴水之後,就可以見到超人特工隊朋友駕駛住電浮車出場啦~

Let’s Get Wet ...真係濕過痛快,我地都變左濕水豬(好在早有預備帶多套衫去換),

整體上個巡遊都好正,小小豬仲話下次入園要再濕過呀!之後我地就去左學畫積積~

一向零畫畫嘅兩母子就合力齊齊畫,個完成品都叫做見得下人啦~

入園我嘅最大目標就當然係集郵,就緊係要同一眾超人特工隊朋友影相啦~

今日另一個重點就係去睇「魔海奇緣凱旋慶典」~

我一向對樂園入面嘅舞台劇都好有信心,因為之前幾套都係好精彩,所以我都有少少期待。當然...今次我都係冇失望,短短二十分鐘入面就可以表演出整個故事大崗,部分演員仲一人分飾數角色,仲要三語同演,少啲力量都唔得呀~

可能慕安娜實在太吸引小小豬,所以完SHOW後小小豬就叫我買返隻動畫DVD俾佢,佢話咁樣可以更加知道故仔來源。哈哈哈......既然佢鐘意,我當然冇問題,搵日買返屋企齊齊睇先。

其實小小豬都玩得未太盡慶,不過唔緊要,嚟緊暑假可以入嚟玩多啲,睇多幾次水 花巡遊,開心大玩水花啦!


 

【編按:以上內容為作者之個人意見及立場】

相關文章

【親子好去處】夏日放電@天水圍綠田園 在農場玩勻海陸刺激遊戲!

【親子好去處】黃金海岸夏日遊 與Peppa Pig歡度夏威夷熱情假期

【親子好去處】Sanrio角色齊集超萌競技場 陪你爆汗做運動

暑假好去處!打卡、運動、學習一Take過

緊貼新冠肺炎最新相關資訊