2018-03-06

1.7K

【帶住trouble 2去福岡】出發前小貼士

坐月尾聲期間就放低咗小王子給婆婆,帶著trouble2家姐包包去到近期旅遊日本熱點 - 福岡。好多媽媽好想外遊,怕麻煩,但又想帶埋小b去,其實都唔係想像中咁複雜,就同大家開心Share下啦!

Tips1 嚴選旅遊地點

入門 - 簡單兩日一夜,可以試下小b適唔適合於陌生環境留宿,可選擇澳門

初階 - 機程個多小時,時間好易過,可選擇沖繩或台灣

進階 - 機程三至四小時,建議可選有機上娛樂服務/奉送兒童禮物或兒童餐的航空公司,可選擇沖繩 / 台灣 / 日本 / 韓國 / 新加坡 / 泰國

個人偏好日本,嬰兒設備齊全及方便補給任何嬰孩用品

Tips2 注意選擇航班時間

早機去晚機返當然最好,因為小朋友比平時較早起身,有機會在機上訓著捱過整個機程

Tips3 準備物品

- 如擔心小孩在飛機上未能睡著,可以準備小食及小玩具給小朋友消磨時間。例如有他們最愛的零食、Puzzle、填顏色、圖書等,或是預先用手機下載至愛兒歌片段

- 另預先用手機拍下各家庭成員的護照及厚子筆,以便填寫入境表格

*溫馨提示:請為小朋友準備一樽水,可以讓飛機起飛及降落時飲用,舒緩小朋友耳朵對氣壓的不適,如果忘記帶水,也可用吞口水方法。

Tips4 執喼

各位媽媽最擔心就是執喼的Checklist,可預先留意當地天氣預測,再為小朋友預備適當的行李裝備。

大致可以分為以下4類:

- 證件:BB出世紙 / 特區護照 / 身份證 + 個人資料頁及簽證影印本 + 照片

- 食:奶樽 / 奶粉 / 米糊 / BABY FOOD / 洗奶樽液 / 擦 / 剪刀 / 食具

- 日用品:尿片 / 衫 / 外套 / 襪仔 / 拖鞋 / 紗巾 / bb濕紙巾 / 毛巾 / BB shampoo / Body Wash / Cream / 小枕頭 / 薄被 / 陪睡小物

- 備用:藥 / 探熱器 / 退熱貼 / BB車 / BB車袋 / 兒童雨衣

 

【編按:以上內容為作者之個人意見及立場】

相關文章

【親子好去處】荃灣廣場逾3萬呎PLAY GARDEN空中樂園重新開幕 遊樂休憩打卡全方位體驗

【親子好去處】山頂廣場X快閃西高山 挑戰600級樓梯登山!

【親子好去處】新城市廣場PLAYcation!全新兩層6萬呎娛樂體驗專區「Play Park 」

【親子好去處】全港首個KAKAO FRIENDS主題Staycation 好玩好食兼打卡able!

緊貼新冠肺炎最新相關資訊