2018-08-01

2.1K

【放電好去處】源自芬蘭。逾萬呎免費歷奇公園 x 親子鞦韆 x 3.5米超高滑梯

之前都有同大家介紹過葵芳新都會廣場平台,有一個免費戶外兒童遊樂場。最近,呢個兒童遊樂場升級咗做歷奇公園,佔地逾萬呎,而且仲係免費入場嘅添!! 嚟梗7月31日,正式對外開放啦~~

遊樂設施仲係源自芬蘭,玩味十足!! 有6.5米高大型遊樂設施,3.5米超高戶外遊樂場滑梯,仲有第一次見到嘅親子鞦韆呢。

遊戲設施亦適合幼兒、小童及大人。

【親子鞦韆】
首次見嘅親子鞦韆,和牛B玩得超開心,仲玩咗好多次。



親子鞦韆可以同時容納1位大人、1位小童及兩位幼兒~

【6.5米高大型遊樂設施】
有繩網陣、攀爬繩,可以鍛鍊小朋友嘅手腳肌肉。


全方位多角度,每一處都有得玩。滑梯都有好多條,長度都有好多種。




茄子嘅滑梯~


3.5米高嘅水管滑梯~和牛B唔敢挑戰,唯有爸爸嚟挑戰啦~


【新式氹氹轉】
仲有好多新款氹氹轉玩~~


^樹葉氹氹轉
三人版氹氹轉,仲會左右傾斜添~~

五人氹氹轉,4個座位,再加上一個企位~~


超好玩嘅旋轉青蛙,可以訓練小朋友嘅平衡力呀~


【樂器敲擊】
兩座敲擊樂器,可以俾小朋友發揮音樂天份。可以打鼓、玩豎琴狀嘅樂器。


檸檬樹,俾充滿好奇心嘅小朋友捐來捐去~


【親子健身區】
引入英國最新設計嘅遊樂場健身運動設施,邊做運動仲可以邊為手機充電~


設卧式、手部及動感單車。


就連USB充電線都有得借用,仲可以用wifi 45分鐘上網。


**不過,想要將手機到100%電,真係加把勁啦~~我好努力都踩唔上最高點(哈)
而戶外公園仲有洗手位、飲水機。


【限定。低碳生活農墟市集】
而空中花園仲有限定活動,由即日至8月26日(逢星期六、日)都會舉行,低碳生活農墟市集。


而市集以健康、天然、手工成主打。
仲有種植唔少綠色植物、蔬菜、花等。


^ 本地種植嘅茄子。

^ 本地種植嘅檸檬。



^ 仲有導賞團,可以了解更多種植、植物嘅知識。

^ 煮食常用嘅九層塔

導賞員仲送我香蜂草,可以返去種植添呀~

【總結】
商場天台係免費嘅遊樂場,媽咪可以行街,爸爸就可以陪住小朋友去公園玩(或者調轉都得)。

我哋當日大概下午3時去歷奇公園玩,唔曬之餘仲有少少涼風,超舒服呀!
不過進行戶外活動,都要提提大家記得搽防曬、定時飲水、準備好防蚊措施哦~

【歷奇公園@新都會廣場】
地址:葵芳新都會廣場L5 歷奇公園 (入口近豐澤電器)
開放時間:10am - 7pm

-------------------------------------------------

Facebook專頁:和牛B嘅成長專頁

Instagram:wagyubmami

【編按:以上內容為作者之個人意見及立場】

相關文章

【親子好去處】迪士尼粉絲必到!荃灣廣場同你過Disney主題綠悠夢幻聖誕

【親子好去處】秋季行山第一擊!美不勝收的東澳古道

【住宿推介】屋企裝修、外遊後接受醫學監測住邊好?酒店推住宿優惠照顧不同需要

【親子好去處】芬蘭聖誕老人村首度首度降臨亞洲ifc商場!3大打卡位X探訪芬蘭官方聖誕老人

緊貼新冠肺炎最新相關資訊