每次過年，少不免都要去親戚朋友度拜年。先唔講自己開唔開心，我相信大家都想自己嘅小朋友都好以快樂的小天使，喺家族聚會嘅時候可以令大家開心。但係又真係有幾多人可以做到呀？每次總要鬧一鬧先安樂嘅，咁點算呢？
唔知你有試過，仔女明明就識得嘅長輩，一到拜年時，就是不肯叫人。有少會躲在你後面，或者扭抱，打死都唔叫。明明之前已經不斷提醒要叫人，甚至條件都講好咗，但就係唔做。年紀比較大嘅，你越叫他叫人，他就越嬲，走埋一邊黑面打電話，對大人不理不睬。讓爸媽超尷尬啊！
咁應該點處理？
其實每個小朋友對環境嘅適應能力都唔同，有些小朋友好快就可以進入狀況，有些敏感少少嘅小朋友就要觀察好耐。到底觀察咩呢？觀察這個地方有沒有好玩的嘅嘢，有沒有令佢覺得唔舒服的人。例如：過年期間，很多大人，見到小朋友通常會一支箭咁標上前想要抱小朋友，或者不停問佢哋唔同嘅問題，小朋友招架不住，就會害怕。
如小米感到米仔可能未準備好，通常待親戚一開門，我就同米爸一齊好大聲咁講恭賀說話，咪仔就算講得好細聲，求其做下手勢，一般對方都唔會好計較嘅。只係等米仔適應咗環境之後，我就會叫米仔代我送禮，咁對方有利是畀佢，佢好自然就會講「多謝」。
所以，如果有小朋友嚟你哋屋企拜年，你哋記得要多少包容呀！
下集再講另一種情況。
