同小朋友講「夢想」呢個概念，真係比較難，完全未接觸過又點知自己鍾意做啲咩呢？今個暑假可以試哂幾個唔同職業，包括最「大路」嘅醫生、消防員，連賽車手、機師同中醫都有得試！
挪亞方舟舉行了一個「職業特工大本營」活動，小朋友可在園內自由「應徵」八大職業。唔好以為得個玩字，小朋友可以著埋制服，喺每工作場景及工作坊學習及完成指定任務，真正學到相關知識，對於各種職業嘅了解會加深。
以培訓小機師的「飛凡機師訓練中心」為例，工作坊內容由著名的本地飛行學校Aero Institute策劃，小朋友可置身模擬駕駛艙接受飛行訓練，操作飛行模擬儀器，嘗試控制飛機升降；導師更是前民航機師，教授飛機師的日常生活及專業術語，小朋友增進飛行知識，同時訓練邏輯思維，提升他們解難能力及人際技巧！
消防員唔係得個型字，係火場爭分奪秒，一定要有好準確嘅判斷力。小朋友喺「職業特工大本營」可以了解消防員的日常工作及認識消防裝備，學習防火知識。最好係可以勇闖模擬火警現場的煙霧體驗區，穿越煙霧合力拯救身陷火場的災民。但最得意係由家長扮災民，畀阿仔阿女救出黎！
記得只有星期六、日先有「職業特工大本營」活動玩，去到8月26日就會完，仲有最後幾次機會「試工」咋！快啲去玩啦！
詳情：https://www.noahsark.com.hk/tra/summer-event-2018.jsp
