媽媽都是有求必應的，其實是媽媽體內都有貪玩基因吧~
由於諗唔到放假去邊度玩…今次由小朋友話事，
小火子提議去農場，(其實想餵動物)
雖然我們很多農場都已經去過，而且天氣太熱了吧…
不過媽媽會有計既…就去好耐無去過既天水圍綠田園啦!
綠田園位於天水圍，無新式農場咁多打卡位，
但不設入場費，而且免費泊車，車位先到先得。
遊戲就逐個計錢，數十元一個game，水上單車就最貴，
等我一陣又計下總花費，睇下係咪抵玩先~
親子恐龍車（$50/10分鐘）
入口位置就恐龍車，小火子一見到就雙眼發光!
初時媽媽覺得有點貴… “要唔要睇埋其他遊戲先?" 當然游說沒有成功~
不過計計下，同商場一般電動車收費差不多，而且恐龍仲可以同小朋友一齊坐，汽車行駛嘅空間都算大，都值得推介！
付款玩了一個遊戲，就會變得麻木~ 有好玩的就乖乖付款好了。
更多文章：【親子好去處】西貢獨木舟初體驗 乘風破浪 完成不可能任務！
撈金魚 （$30/10分鐘）
限時內盡情撈，要成功撈到金魚也不容易，撈完就可以換禮物。我哋就加咗20多元換有型嘅武士劍。
餵動物 （甘筍/$10一大束）
即使這不算傳統的農場，還是符合了餵動物的要求。場內有羊咩也有牛，攤檔姨姨推介甘筍，因為不會割到手，$10的草也太大束了吧。
水上大滾筒（$40/10分鐘）
小火子超愛這個玩意，當自己是倉鼠嗎 (笑)
不過炎夏玩這個應該蠻辛苦的，還好小火子願意自己一個玩，火子爸很擔心要陪玩呢。
更多文章：【親子好去處】大嶼山Camping初體驗 玩盡日營燒烤玩水打卡
滑草場 （$40/6分鐘）
可能是假草的關係，反而頗容易溜下去，速度感也夠，好玩啊！40公斤以上，三歲以下及成人不能乘坐啊！
攤位遊戲 （射擊/好像$50； angry birds $30)
射擊遊戲忘了實際價錢，用水晶珠掃射目標感覺蠻爽的！
至於Angry Birds那個用公仔當炸彈透過彈弓把架上的公仔射下來，不就是真實班的Angry Birds嗎？但發現無論有沒有射中，禮物好像都是一樣的。
水上單車（$110/20分鐘）
實在太熱，去室內位置飲吓嘢食埋雪糕，就去玩水上單車，對於所有收費已經開始麻木。
玩水上單車，推薦一定要買魚糧（$15），因為池裏面原來有好多好多魚呀，可以餵下魚咁就過癮好多啦！
玩左差不多兩個鐘，好似所有嘢都差不多玩晒，而且亦都熱死溶左，於是就決定返屋企啦。
計計數先，Angry Birds我哋玩咗兩次，連埋買嘢飲大概用咗$400多元，點玩其實豐儉由人，以唔使入場費，免費泊車來講，其實都OK啦！
注意事項
-天氣太熱不停爆汗，風扇，替換衣物不可少；
-戶外地方比較多蚊，防蚊用品必須啊！
早前其實還去了不同的好玩地方，稍後再與大家分享~
天水圍綠田園
-無需入場費，免費泊車;
-遊戲設施逐樣計;
-推薦親子恐龍車; 滑草; 水上單車
-一定要買魚糧餵魚啊!
網站: http://www.yl.hk/green/map-main.htm
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁: <貓町媽媽 親子 玩樂 扮靚日誌>
加我IG: catdingmama
