又到摘士多啤梨嘅季節啦，鍾意食士多啤梨嘅你，一定要嚟呀！好多塊田，仲有三個品種，你可以行匀所有田，揀啱就自己摘。俾完錢洗乾淨，仲可以即刻食，又新鮮又鮮甜。
入場係免費嘅，所以可以先去士多啤梨田到睇咗啲士多啤梨，再到收銀處拎藤籃摘亦都得，藤籃入面有一把鉸剪、一個塑膠料的兜。
而士多啤梨係有三個品種，留意價錢係唔同㗎。法國品種$100/lbs、韓國$120/lbs、日本$120/lbs。
拎咗個藤籃，可以落田慢慢揀啦。
同爸爸一齊慢慢揀，一齊摘。
然後試下自己剪。
嘩，大個女自己摘到士多啤梨了！
摘到夠就可以拎住啲收成去收銀處到磅重俾錢。
排隊俾錢中，好想知到底摘咗幾多錢。
呢到埋單$59咋！ 有得俾自己摘、而且係有機、又新鮮又鮮甜，仲有親子嘅時間，真係好值！
錦田鄉村俱樂部http://yl.com.hk/ktcc/地址：新界錦田水尾村230號
