想同小朋友去戶外走走，親親大自然，去農場就係最一站式嘅選擇！
更多文章：【本地親子遊】南生圍的親子時光 讓孩子親身接觸百變生態
本地農場越來越多，去得多不同的農莊，的確會變得挑剔⋯之前帶小火子去很久沒有到訪的 #清新地 ，清新地 面積不算大，也沒有很花巧的遊樂設施，不過去晒下太陽，餵下羊仔，同小朋友一齊整吓嘢食，玩埋水球，回程搭埋船仔就過咗一個開心嘅下午。
同其他農場比較，兩大一細連工作坊都係三百幾都算幾抵玩嘅。
親子工作坊：蘋果批製作
更多文章：超夢幻蝶豆花園 打卡放電一take過
入場人士必須參與工作坊，都是很簡單的整下野食，我們選了蘋果批製作，材料分量已經預備好，基本上10分鐘就完成，焗製期間，我們又可以去玩啦！ 玩一陣又可以食下自己製作既小食休息一下，都幾寫意。
親親小動物
農莊當然唔少得小動物，可以買草餵羊仔（$10/束），下午是放羊時段，羊咩咩會悠閒地在草地上吃草，在遊人身邊行走，有點飄零燕的感覺呢。我們更遇上了親人的小貓，很可愛呢！
更多文章：一次過滿足不同願望––小白兔音樂農莊
擲水球：夏天限定 （$30/50球）
看到農莊Facebook page介紹可以玩擲水球，已經十分想玩，這是我們第一次玩擲水球，好刺激啊！放心，水球只係細細個，唔會全身濕晒，而50球轉眼就玩完，所以再encore, 我們共玩了100球呢！
清新地內也有小型遊樂場，都足夠讓小朋友玩一會，粉藍色的風車也很好拍呢！ 場內也有小農田，但今次就沒有拍到。
農莊外的小石灘
趁時間尚早，我們帶小火子去農莊外的小石灘行下，擲下石頭，不過這裡沒有救生員，也不知道水質是否適合游泳，所以不太建議下水啊。
清新地
地點: 西貢白水碗
Facebook： https://www.facebook.com/naturesharvest
交通：
可以由 #白沙灣乘船前往，或者由 #科技大學步行，不過行去原來要差唔多20分鐘，而且有好多梯級⋯
回程時我哋決定搭船走，諗辦法搵返自己架車 ^^"
時間方面，搭兩點船去玩到五點都夠玩啦????
去玩都記得要注重個人衛生，做好防疫措施啊！
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁:
貓町媽媽 親子 玩樂 扮靚日誌：https://www.facebook.com/catdingmama/
