2016-12-16

9.3K

【親子遊】聖誕全城[email protected]海洋公園 (多圖)

20161216_op01

普天同慶嘅聖誕節又嚟喇!每年聖誕,我哋都好鍾意入主題公園感受節日氣氛。今年海洋公園嘅聖誕活動好豐富!鍾意去玩嘅朋友又點可以錯過呀?快啲跟貼啲,跟住一齊嚟「聖誕全城HOHOHO」啦!

 

去玩!去癲!嚟Ocean Park!晴朗知道可以去海洋公園,之前一晚好早就上床瞓覺喇!一朝早大家都朝氣勃勃,心情特別興奮呀!

1147428212_m

 

入園後第一件事就係去海洋公園其中一個景點──「怡慶坊」。

1147425827_m

 

去睇「超時空魔幻匯演」!超巨型LED科幻舞台,加埋燈光同舞台效果,十足十去咗紅館睇show咁呀!

1147426216_m

 

事不延遲,魔術師在台上大玩小把戲,先同觀眾來一個熱身。玩完啤牌又玩繩索,魔術師技術精湛,加上幽默風趣嘅談吐,牽起連場笑聲。

1147426742_m

 

魔術師仲會同台下觀眾互動添!大家都按住指示用手夾住個鼻,好搞笑呀!

1147426744_m

 

變幻莫測嘅魔幻匯演一觸即發!魔術師在煙霧瀰漫嘅玻璃箱中突然出現,呢種出場方式簡直令觀眾嘆為觀止。

1147428221_m

 

懸浮術表演亦都十分精彩!明明係冇嘢扶持,點解可以飛起㗎呢?都仲未想得通,魔術師亦都雙雙起飛,太神奇了吧!

1147426621_m

 

晴朗睇到眼都唔眨,唔知佢哋睇唔睇得明呢?不過唔明都好正常,明嘅就做咗魔術師啦!一幕幕精彩嘅表演,掌聲不絕。魔術師最後變出一把巨型扇子為表演畫上完美句號,好犀利呀!

1147425133_m

 

接住落嚟!輪到極速變裝上場!佢哋擁有超凡嘅神乎奇技,過程中換上好多件華麗服裝。

1147427130_m

 

除咗魔術,亦有高難度動作表演。箍住頸一直打圈吊上去,睇到我哋目瞪口呆!家庭觀眾切勿模仿。

1147428411_m

 

驚心動魄嘅火籠逃脫嚟喇!

1147427823_m

 

最後一幕嘅齒輪車係熱切期待嘅重頭戲,演藝人員合力將魔術師推入車內,魔術師好唔願意仲大嗌:「NO!」

1147426756_m

 

齒輪邊轉動邊降下,好快就會將魔術師鋸開一半喇!我哋都睇到入晒神,究竟魔術師會唔會有事呢?鋸完之後,揭開車箱,魔術師已經唔見咗!

1147426758_m

 

在場觀眾由緊張心情變換為笑容滿面,好戲在後頭!魔術師由觀眾席後方高空而下,觀眾不斷喝采歡呼,精彩絕倫!觀眾讚嘆不已!掌聲不絕,好精彩呀!

1147427825_m

 

多位國際知名嘅魔術師同台獻技,每一位都互相配合得天衣無縫,真係一場GOOD SHOW!

1147427909_m

 

魔術表演在超讚嘅舞台效果配合之下,每一幕都好難忘。呢場唔只係魔術表演咁簡單,包括咗音樂、舞蹈、燈光等效果。觀眾不停拍掌,大家都全情投入表演當中。係一次超凡體驗嘅魔術旅程呀!

 

睇完緊張刺激嘅魔術之後,晴朗見到巨型聖誕樹都十分興奮雀躍!聖誕樹夜晚會有光影聖誕亮燈儀式,如果好彩仲可以同聖誕老人一齊主持儀式添呀!

1147426428_m

 

演藝人員對工作好有熱誠,合照之餘仲同晴朗傾計,為我哋愉快啲旅程增添了不少歡樂!

1147426112_m

 

巧遇「小紅熊」,好可愛呀!影完相仲要big hug一番,小朋友嘅快樂就係咁簡單。

1147426831_m

 

五臟廟鼓聲響起,又係四出搵食嘅時候喇!海龍王餐廳同冰極餐廳都試過,今次就試下大熊貓餐廳啦!環境都幾舒適喎!等待食物期間,我問晴朗如果魔術表演中放咗晴朗爸爸落去齒輪車咁會點呢?好殘忍呀!佢哋唔識答,靜係識得不停笑!

1147427035_m

 

嘩!熊貓包包好可愛呀!連白飯都做埋海豚形狀,小朋友一定鍾意啦!

1147426229_m

 

食飽之後,欣賞咗一陣雜耍表演。好佩服佢哋永冇失手嘅雜技,台上一分鐘,台下十年功!勁呀!

1147425313_m

 

聖誕期間到處可見聖誕佈置,一定要同Happy Snowman影番張合照啦!

1147425949_m

 

去海洋公園唔搭番轉纜車點算來過呀?由二人變四人,將海洋公園帶畀我哋嘅歡樂一代傳一代。唔知有冇機會三代同堂再影過呢?

1147428030_m

 

原來由高空望番落去巨型聖誕樹仲靚喎!夜晚亮燈後,在浪漫嘅飄雪之下,聽住「聖誕樂韻頌」,一定好有氣氛啫。

1147428414_m

 

朗朗自細已經好鍾意樹熊㗎喇!嚟親海洋公園實會去探下佢哋。

1147427219_m

 

不過每次見到樹熊都係瞓咗覺,反而跳跳紥嘅袋鼠就十分精靈,仲有會唱歌嘅小鳥添呀!

1147427719_m

 

臨走不忘入去禮品店買番幾件心頭好帶會家。聖誕期間仲會有特別設計嘅聖誕精品賣,聖誕造型公仔係期間限定㗎!配合番魔幻主題,仲可以買埋魔術道具同DVD添!簡單易學嘅小魔術,小朋友都可以成為小小魔術師啦!

1147426433_m

 

海濱樂園廣場變身為聖誕奇異花園,一系列嘅巨型樂器樹塑打造得維肖維妙。仲會有世界級真人雕像街頭表演添!

1147427720_m

 

想同聖誕老人影相,就要留意住聖誕老人樹屋喇!佢隨時會同精靈一齊出現㗎!

1147424945_m

 

聖誕限定美食:聖誕節特別多美食推出,好似海龍王餐廳同冰極餐廳就會有「魔幻聖誕大餐」同「HO HO HO海洋列車」聖誕兒童餐。而水都餅店亦都有聖誕曲奇餅同薑屋曲奇提供,係咪好吸引呢?小朋友見到實鍾意啦!

 

「聖誕全城HOHOHO」除咗有全新超時空魔幻匯演,仲有一系列精彩豐富嘅聖誕活動。好似企鵝出巡咁,舞蹈員會穿上企鵝裝束沿路表演彈跳高蹺和花式雜技,仲會大派糖果添呀!潛水員亦會穿上節日服飾,同海洋奇觀嘅魚兒一同暢泳。小朋友一定要到威威天地玩激光迷陣,考考身手,爸爸媽媽仲可以一齊穿越重重難關添!好好嘅親子時光,一於帶埋小朋友嚟海洋公園過聖誕啦!

 

海洋公園聖誕全城HOHOHO

活動日期:2016年12月17日至 2017年1月2日
網址:按此

 

【編按:以上內容為作者之個人意見及立場】

相關文章

【親子好去處】全港首個KAKAO FRIENDS主題Staycation 好玩好食兼打卡able!

【周末好去處】宣明會60周年展覽 免費製作小手工

【親子好去處】新城市廣場PLAYcation!全新兩層6萬呎娛樂體驗專區「Play Park 」

【親子好物】與小朋友歡聚必備!Häagen-Dazs™推四款迪士尼主題雪糕蛋糕

緊貼新冠肺炎最新相關資訊