2019-10-28

1.5K

【親子餐廳】提供沙灘玩具既親子餐廳 兩手fingfing黎玩沙?

捉住夏天既尾巴?~趁晴天就去沙灘玩多次~
不過都有d涼,我地就唔落水只玩沙,所以我地揀左馬灣既《CafeRoma》

想知更多冬日遊樂的資訊,請按 #冬日遊樂

更多文章:【美食2019】酒店自助餐、平安夜套餐、聖誕大餐精選 酒店餐廳/親子餐廳大合集(不斷更新)
更多文章:【美食2019】食盡早午晚!帝京期間限定聖誕美食之旅
更多文章:【美食2019】精靈出沒注意!與孩子跳走北歐的聖誕節奏

去馬灣我地專登揀去荃灣海濱公園旁既碼頭搭船過去,同?搭下船~

可惜佢無特別興奮,可能佢覺得搭船同搭車咪差唔多?(興奮的只有媽媽…)

《CafeRoma》係馬灣既親子餐廳!!佢唔係有波波池既餐廳,不過我都覺唔錯?,因想玩沙既朋友仔黎呢間餐廳用餐就非常岩,餐廳會提供一大堆玩沙玩具、車車、滑梯~

可以兩手fingfing黎,拍拍羅柚就走,乜都唔洗帶?

而且餐廳係一大塊落地玻璃,大人可坐喺餐廳入面涼冷氣,小朋友喺餐廳出面自由玩沙(爽呀?),唔放心的話,要求坐餐廳出面都可以,玩沙旁邊都有3張枱~

不過都幾full,要預早book枱(我walkin黎佢話full左要等?好彩10min後有枱取消我地先有得入?‍♀️)

餐廳有兩款兒童餐~分別係pizza同意粉,包含餐湯、主菜、生果、果汁,

意粉仲有兩條好迷仔既蘿蔔仔,個樣好可愛,吉仲好鐘意添?,兩位小朋友都極速ko左意粉,

而pizza就普通(可能pizza太薄,佢地應該鐘意厚批多d),

如果平日黎仲有《兒童薄餅工作坊》自己做pizza(可惜我星期日黎無?)~

餐廳仲有1個書櫃,有好多英語繪本、機關書等,食完野可以睇陣書先去玩沙~

食飽飽~玩飽沙~~就埋單出海邊玩陣,可惜吉突然淆底獸上身,唔要落水話好驚?

好彩帶左架發泡膠飛機同水槍,玩左陣就走囉~
離開時我地夾唔到船期(因每日得3班船往來),所以我地就行返去馬灣公園附近搭巴士~

總結
星期日既馬灣沙灘都唔多人,沙灘都唔算多碎石,係游水玩沙唔錯既選擇之一~
而CafeRoma野食唔錯,又提供埋沙灘玩具同繪本,聽講玩具仲好似可以借出沙灘玩添(不過我地無借到),想玩沙又可以唔洗帶一大堆玩具黎~我覺好方便???

【編按:以上內容為作者之個人意見及立場】

相關文章

【親子好去處】新式設計公園「彩虹樂園」| 東啟德公園

【親子好去處】小小車迷必去!兒童汽車嘉年華登陸亞博 小朋友電動車駕駛場、親子工作坊等緊你

【親子好去處】柏斯音樂聯合迪士尼傳遞愛 感受《奇幻魔法屋》 神奇力量

【親子好去處】「湯屋樂」溫泉之旅 尋回家庭的幸福感!

緊貼新冠肺炎最新相關資訊