2018-05-18

2.8K

好味又好玩!K11 Natural天然親子工作坊

K11踏入第十個年頭,不但進行大規模翻新,更加推出K11 Natural 企業及私人活動方案,為客戶提供不同的個人化活動和工作坊。無論是企業活動想物色獨特的活動場地,抑或想於私人派對內加設趣味的工作坊,都有一站式活動方案可選,以下就為大家介紹幾個大人小朋友都啱玩的工作坊。

市面好多食物都含人工色素,愈彩色愈唔敢食。不過呢個「有營獨角獸吐司工作坊」色彩繽紛嘅顏色,係喺食物中提煉出嚟。仲由營養師操刀,唔單止健康,仲好好味架~

好似顏料咁靚嘅色,鐘意畫畫嘅小朋友坐落去就唔願郁喇。只不過畫到手時會忍唔住試吓味先咁啫~

參加呢個「德國有機蜂蜜沙津汁製作坊」,可以用唔同蜜糖製品,同小朋友一齊整返個甜蜜蜜嘅沙津!

小朋友最開心一定係見到蜜糖味gummi bears喇!

除咗整嘢食嘅部份,「迷你花束工作坊」同「乾花胸針/盒子工作坊」就啱晒想文青一吓嘅媽媽喇。

迷你花束真係好精緻好靚架~第一次見咁細嘅花束,小編差啲睇到唔願郁,好想帶返束返屋企。

乾花比鮮花保存時間長,完成後會成為親子間一個美好嘅回憶~

最後可以同小朋友一齊喺「精油工作坊」調配出自己嘅味道~

小朋友都可以做得似模似樣架。

平時想同小朋友搵啲細藝做吓,呢幾個工作坊都又好玩又帶到嘢返去,係唔錯嘅選擇!

【編按:以上內容為作者之個人意見及立場】

相關文章

【親子好去處】好食好玩!超值酒店下午茶自助餐 同場設兒童遊樂坊及魔法師打卡服裝

【親子好去處】自製渡假風!快閃打卡熱點屯赤隧道 趁暑假與家人到處走走

【親子好去處】親子遊@錦上路環保農莊燒烤場+跳蚤市場

【親子好去處】暑假酒店第一擊!親子友善Staycation 吃喝玩樂 體驗度假感覺

緊貼新冠肺炎最新相關資訊