嚟到公眾假期最後一日，大肥豬爸爸就話簡單輕輕鬆鬆玩下，所以同我地去觀塘海濱公園。
一嚟到又開始古靈精怪想去玩啦！今次小小豬嚟嘅最主要目的就當然係嚟踩單車啦！
可能大家都會問...點解小小豬部單車會係粉紅色又係HELLO KITTY？
哈哈哈...其實依部單車係小小豬表姊的，表姊依家大個女，唔玩小朋友單車，加上之前又好少玩，所以就轉贈俾小小豬啦！
對於我地嚟講，顏色又有咩所謂，最緊要係有得玩嘛，所以我地絕對唔介意接收呀！
初時小小豬都唔係太識踩，始終都係比佢平日玩那兩款BB單車高啲同大部啲。不過玩多幾次，教多幾次個技巧，依家個傻仔玩得幾好，仲不知幾ENJOY，踩得仲越嚟越快添！
又嚟有樣學樣，佢見旁邊哥哥坐定定休息，佢話佢都要休息一陣呀
係小小豬休息期間，我仲捉佢玩自拍，好一個攪笑仔仔。
休息完就去玩小公園啦！
開開心心又放完電，其實去邊度都唔係最重要，因為每一個地方只要有我地陪住，小小豬都一樣可以玩得好開心呀！
