2018-03-13

2.2K

旅行有感—原來小朋友不知不覺大個咗好多……

剛過去嘅農曆新年,同牛奶仔去咗旅行,平時喺香港唔發覺,反而喺旅程中先發現,佢原來不經不覺地大個咗好多…

以前,帶佢去邊佢都好似好啱玩,但宜家,佢會自己計劃埋,好似去主題樂園咁,先去呢度,後去嗰度,有晒原因,喜惡分明…

我曾經一度覺得,點解媽媽要聽佢擺布,但放寬心,諗深一層,既然佢有晒理由,我哋亦唔趕時間,何不放下身段,等佢「帶」我行,應該會有驚喜!

的確,有時我會覺得佢唔係咁聽話,但有時又覺得,佢咁樣其實又幾好吖,有自己,點都好過冇自己,至少我覺得佢知道自己做緊啲咩...

牛奶仔一直以嚟,最令我著迷嘅係佢嘅招牌笑容同善良,但今次旅程後,佢嘅魄力都好吸引,雖然佢個樣好似女仔,但佢骨子裡就越來越男人... 雖然咁講有啲誇張,但…… 媽媽就係咁㗎啦…

牛奶仔,媽媽雖然成日「鵝」你,亦知道你唔鐘意我咆哮,不過,希望你都明白,有啲嘢,係媽媽需要堅持嘅,咩都就晒你,唔等如愛你,反之亦然...

你每日都喺度長大緊,媽媽亦每日都學習緊,感恩你爸爸好用心亦好努力,比我進步得更快,作為全職媽媽嘅我真係自愧不如...

全職媽媽唔易做,做全職媽媽嘅老公就更加唔容易...

多謝你哋兩個嘅出現,成就了我呢個師奶仔!

【編按:以上內容為作者之個人意見及立場】

相關文章

【跟住小編做媽咪】小編分享小朋友放電心得 Playgroup興趣班大公開!

【附報名詳情】本地雪糕廠開放親子參觀 體驗製作雪糕及試食 

集合吧小廚師!結合STEAM及AR科技 從烹飪培養孩子多元發展 激發創意潛能 12大暑期小廚師班

【親子好去處】兒童書展暨超級親子用品展 5.17開鑼 免費玩充氣樂園

緊貼新冠肺炎最新相關資訊