帶親唯b去旅行，多數都會去動物園，今次去東京都去咗多摩動物公園
揀多摩係因為呢個站有三個啱小朋友嘅景點：多摩動物公園、Hug Hug及京王鐵道博物館。
而呢日嘅重點唔係動物園，而係Hug Hug！
小朋友都要購票入場。
BB車停泊處
Hug Hug係一個木系嘅室內遊樂場，有分大細b部分，兩歲以下bb都啱玩。
大b區：
唯ｂ最鍾意嘅係小火車同埋爬繩網，兩樣都位於二樓
上到二樓買飛就可以坐小火車，會圍繞成層行兩個圈，仲有蒸氣噴出嚟，好逼真！
小火車嘅隔籬就係繩網喇。
唯b平時有啲細膽，但今次竟然敢爬繩網爬到上天花板！
細b區：
玩到攰可以喺二樓餐廳食，食物相當唔錯，當然都有兒童餐啦
強烈推介呢個室內遊樂場俾大家！
去Hug Hug之前記得睇吓佢嘅開放時間：https://www.keio-hughug.jp
交通：可乘搭多摩都市單軌電車，在多摩動物公園站落車，步行數分鐘就到。
