2020-09-18

6.6K

【GutsMom 4口之家】飛英生活體驗日記 第一章:Shall We Move?

個個都話走,最後真係走嘅,又有幾多?

走、唔走,當中必然有很多家庭因素、工作考慮、收入如何等等100個問題,make decision 不容易。走,亦不是100%好,或者應該說,未必適合每個家庭。

「真係走㗎?點解咁快決定到?」這個問題大約有三、五十親友問過,我只可以話,「機會,真係留畀有準備的人」。

移民這個課題,我哋研究了三、四年。

由台灣、馬拉、日本、葡萄牙、荷蘭、英國、土耳其、美國、塞浦路斯、德國、意大利、馬耳他...甚至係希臘同埋長洲,我都諗過計過傾過研究過,思想環繞了地球一周,多謝好多好多移民agent 及各國前移民官,我亦成了朋友間的移民「顧問」。

最後阿仔一句 「媽媽,移去講英文嘅地方啦」!本來鎖定了移民澳洲或加拿大。英國,都有考慮過下。工都quit埋,IELTS 又考埋,預備認真攪移民!

隨著唐寧街10號的消息,由於已熟讀全球移民計劃,直頭覺得呢個係「開放式」移民計劃!得到隊友的同意,我們當然決定「轉機」去英國!

朋友總說我們勇敢,拜託我們做「先頭部隊」,分享心靈、勇氣、考慮同決定的過程,也想藉此記錄一下我們出走的心路歷程,六年後回望這段日子,相信是值得的。

如果你都「有啲想」移民或出走,我建議你認真同你既「隊友」傾傾,有共識,才有next step 行到下一步。

期待,英國見!

【編按:以上內容為作者之個人意見及立場】

相關文章

脫歐製造投資物業好時機 倫敦買樓有3點要注意

月薪嬌妻「深」談匯豐

理財個案--長遠移居台灣的考慮

【延後脫歐?】龐寶林:無論結果如何市場已反映 歐投資氣氛欠佳

緊貼新冠肺炎最新相關資訊