諗Sir 你好
本人姓陳50歳和老公56歲，一齊經營火鍋店，原本每月也有十多萬收入，但因疫情關係，收入減少，想你給下意見有咩投資計劃，可以介紹一下？
現住居屋已供滿，現金流有一佰五十萬。
謝謝
更多文章：疫情下40歲生意人好唔好再買樓？
ANSWER:
150萬的投資，收息的方法，比四個。買樓收租應唔夠，買車位現在唔好，你睇睇而家成排的士等你CALL，二手車經紀成逆市奇葩，生意奇好，因為多了人要放車(但放唔放到另一回事)。
利用直債
直債到期保本，其實可買的債券多著，不過免費文章較常用是新鴻基及煤氣吧。新鴻基直債派息約5%，2023-24年都有到期而到期會保本。入場門檻稍高，20萬美金的。不少更是買完直債就轉去海外，令海外由存放活期變存放債券，令你海外的錢都收高息。20萬美金投入一年收USD200,000*5.7% = 11400
若用槓桿，保守些比率為50%，回報為(11400-2000)/100000 = 9.4%。
我地舊生做到效果是每10萬美金年收益USD9400，即73000港幣一年
到期保本
存放海外可以，而香港有office常駐人員跟進你海外戶口的
至於煤氣直債派息好低，2.3%，不過都比銀行定期好! 講煤氣債主想提出概念: 今年當旺高評級的債，投資唔係買差既野收高些息咁簡單，有時好野升得仲好過差野。
更多文章：聯名三房應否一拆二？諗sir新書談的70個理財常見問題
利用債基
債基就唔保本啦，不過派息更高。由10%年息起步，用美國公債為主的E餐。近日美國公司債走好，見下圖E餐價格(黃線)升穿中軸線(籃線)後突破向上，一眾E餐的持有者應感開心。我們會加密留意，提出E餐的止賺時間。當然如配置只佔好少，可照放唔止賺。
E餐投入100萬港幣，約收息8300-8800，入手時機，融資成本都對結果有影響。另外入場銀行找銀行要HKD100-150萬入場，太細唔肯做。諗sir自己網絡平台可以有HKD40萬開始的入場銀碼，達至「集運」效果。好似讀者150萬投入收息過萬，應對佢每月洗費有一定支持。
利用美國房託
提出美國的Sabra Healthcare REIT (SBRA)派息年8.7%(as of 24.7.2020)。不保本，但好處是可隨時出入而入場門檻只係買美股價，幾百美金都得! 當然美股要為利息收入打算，你預8.7%息當中四分之一要貢獻比美國。然而本篇為起始開端，先由些當旺而又易入門的醫療類REITs說起吧。
醫療類房託收入在於老人院，不過更能提供收入的是加護房床，或為無能力自我照顧的人提供服務。大家都明家中長輩如果屋企人唔夠知識及能力照顧，送去專業團體照料的支出都幾龐大，亦都係難以取締的。尤其未來人類對保健需求有增無減，從今開始留意醫療類房託更為重要。
利用股票收息
此舉係人都識，不過點買先精明同點計，看下表:
領展派息3%，風險波幅(Standard Derivation)為28.77%，但因所予回報比盈富基金仲差，夏普比率Sharpe ratio為-0.59。夏普比率為90年Nobel Prize得主倡用量度投資方案。
盈富派息3%，風險波幅(Standard Derivation)為21.74%，夏普比率Sharpe ratio為-0.25。用上面個excel將不同股票輸入，大致可知邊度股票過去特定時間內，予幾多回報及風險之間的比率，夏普比率越大你可以講買呢隻越「抵」。
由於股票不一定派息，所以就當用股票收息都只佔組合的一少部份。
