哈哈哈，嶠媽今次又有新放電地方介紹，有咩咁特別先？叫得 Dreamland，當然同夢想有關！
童遊大世界 Dreamland Playground 是為做夢者而設，只要你有夢想，都可以乘坐哩首船，尋找理想既地方，發掘未知嘅可能， 領航員仲會為你乘風破浪。
童遊大世界 Dreamland Playground 綜合教育、玩樂、互動元素新體驗，學習不同地區或國家既風土人情。場內設4大主題區：《探索大沙池》、《光影波波池》、《幼兒探索區》和《彩色繩網陣》，提供不一樣室內遊戲主題玩樂區體驗，讓我們與四眼仔共同成長，共同經歷，一齊發掘未知既未來。
入到去先除鞋，再把雙手消毒，消毒過後，就正式可以登船啦！
經由一條七彩顏色嘅樓梯登船，令人急不及待，想跑上船上。
上船後，有一條又長又闊嘅滑梯，下面就係一個大波波池。準備好，我地就滑下去，開始探索我地嘅旅程啦！
《幼兒探索區》細小嘅寶寶亦可係軟墊上安心地爬爬爬！
《光影波波池》把 AR 技術及燈影結合，坐係波波池入面，就好似置身於一隻正在航行嘅海盜船一樣，波波池嘅不平穩，可以令小朋友覺得置身於搖擺不定嘅海上環境，再以波波擊中目標，除左玩，仲可以訓練小朋友反應、靈敏度及手眼協調。
《彩色繩網陣》有一條由黃色繩組成的繩網陣，小朋友可以由下面慢慢爬上繩網，小心呀！因為都是考驗小朋友嘅耐力，小啲都唔得！
另外，有一條由七隻不同顏色組成的彩虹橋，上面一舊舊嘅似唔似一舊舊雲？於七色彩虹橋上行走，可剌激小朋友視覺及觸覺發展。用眼睛去感受七種不同顏色，用手去感受一下繩網嘅不同。繩網不像一般地墊一樣軟軟的，要小朋友肯踏出第一步，都是在學習成長。
過左七色彩虹橋，就可以直接滑落一條圓洞型滑梯，滑梯有一半是透明的，小朋友可以同爸爸媽媽 say 個 hi 啦！
滑梯底仲有個韆鞦，小朋友可以係波波池海上盪鞦韆，腳長嘅小朋友可以一路盪一路踢起啲波波添！
想再放電啲？再過啲有張跳彈床，應該是小朋友最 high 的地方吧？可以想點跳就點跳。
《探索大沙池》沙池內有很多不同工具，可供小朋友自行探索，想點玩隨你喜歡！
沙池內仲特設小帳篷，玩得累，入去休息下都得！
另外，星期一至五會有職員為小朋友分享小故事，主角"四眼仔"由外太空再遇上地球上各種有趣發現，透過小朋友共同分享，能令我們更學懂珍惜和感恩。
============================
Dreamland Playground 童遊大世界
地址：柴灣杏花新城203F&G
日期：2018年1月18日 (3時起)
查詢熱線：9565 5301 (whatsapp)
Facebook：https://www.facebook.com/PlayandLeaning.playground/
**重要消息：同一時間，Dreamland Playground 可容納人數為約 60-70人，如出現人流控制措施，便請耐心等候！
收費：星期一至五全日任玩 $100 (會員 $80)，價錢已包一大一小，另有家庭套票；星期六、日及公眾假期就按時間收費，小童每分鐘$2，成人另加$50 (會員 $40)。
開放時間：星期一至四 (10:00 – 19:00) / 星期五至六 (10:00 – 21:00) / 星期日及公眾假期 (10:00 – 20:00)
# 套票 (不適用於星期六、日及公眾假期)：
$500 (入場次數：7次)
$650 (入場次數：10次)
**每張套票每日限入場3次 (每次可供 1 位小童 + 1 位成人進場)
