見過唔少老婆同媽媽講過：其實結婚係為咩？如果搞到唔開心嘅，不如做女輕輕鬆鬆開開心心咪算。可能柴米油鹽令我地唔記得咗，結婚係因為有愛，就好似呢個《嫁到這世界邊端2》嘅真實故事咁。
秋仔患有腎衰竭，留院時上網同人chat，結識到一個識中文嘅Oppa。咁Oppa嚟香港玩，秋仔帶佢四圍玩，冇。Oppa返韓國之後對秋仔念念不忘，即刻send message問：「你可唔可以做我女朋友？」秋仔直接講：「其實我係一個身患重病嘅人。」呢個時候，正常對方應該避之而唯恐不及。談個情啫，冇人想對象係一個隨時有機會死嘅人。
勢估唔到，Oppa竟然咁講：
圖片擷取自TVB
Oppa唔單止邀請秋仔去韓國治療，仲許下呢個一生嘅承諾，令人動容。
圖片擷取自TVB
對於可以相守嘅兩個人，一切都唔容易。秋仔最大嘅願望係可以為Oppa生小朋友。可惜先前兩次懷孕後，秋仔都不幸經歷流產。由幸福喜悅到希望落空，流產之路非常難熬。
圖片擷取自TVB
見到語帶哽咽嘅秋仔，Oppa溫柔咁安撫佢，同佢講一定會成功有小朋友。睇到我眼濕濕，希望佢哋會成功有BB，同時又有啲羨慕秋仔有咁好嘅Oppa。
圖片擷取自TVB
講起韓國家庭，一貫印象都係韓劇裡面嘅情節。韓國啲老爺奶奶好鬼惡架！秋仔都話韓國家庭一定要新抱生BB，仲要係一定生仔！但Oppa嘅父母漸漸拋開咗呢個諗法，只希望佢哋兩個去吓旅行，開開心心咁過日子。
圖片擷取自TVB
講到呢度，真係有種真愛拯救世界嘅感覺！美好嘅故事唔多，偶爾聽到令人覺得好幸福～
