日常生活當中，錢係最常用到，但為左方便，所以出左好多唔同類型的電子貨幣，最常用到的應該就係八達通啦！大人用，當然知道幾時用，用係邊？點入錢等等⋯但小朋友呢？應該要點解釋咩係八達通呢？
芊嶠係兩歲的時候，我地就已經教佢八達通的用處。
芊嶠係今年1月剛剛踏入三歲，係搭交通工具時，都開始要比錢，不過坐小巴比錢就早係三歲前已經比緊，不過八達通就一直係用我的，因為無論成人還是小童，小巴車資都是一樣的！我最記得，芊嶠三歲生日禮物中，就有一份係姨姨送出的八達通手錶，其實是我要求的啦！
芊嶠三歲生日禮物中，有一份係姨姨送出的八達通手錶，其實是我要求的啦！
我諗芊嶠係兩歲的時候，我地就已經教佢八達通的用處，因為每次搭車，買東西，我地都會用八達通，因為我湊住佢，八達通的確係一種好方便的電子貨幣。我記得有一次，都係佢第一次問我，可唔可以幫我「嘟」八達通，我就好奇問下佢，你知咩係八達通嗎？佢話用來搭車，搭車個陣記住要「嘟」呀！一開始佢仲叫八達通係「嘟嘟」添呀！
佢話用來搭車，搭車個陣記住要「嘟」呀！一開始佢仲叫八達通係「嘟嘟」添呀！
其實都算係一個好開始，至少佢知道八達通係用來搭車。我地之後每次搭車，都會比佢幫我地「嘟」，但我地每次都會話佢知哩張係「八達通」，到大左，佢真係開始知道哩張叫八達通，佢搭車都會提我「嘟」八達通。但佢開始長大、佢慢慢就發現，好多地方，便利店、超市等等的地方，都有八達通機，佢就好奇，點解會有八達通機架呢？我地就解釋，八達通除左可以用來搭車，仲可以用來買東西添！自個次後，每次見到八達通機，芊嶠都會叫我用八達通比錢。
芊嶠每次見到八達通機，都會叫我用八達通比錢。
講返先，佢踏入三歲，收到一隻八達通手錶，當佢好開心，每次最興奮係咩？就係搭小巴上嫲嫲屋企，因為佢都可以自己「嘟」八達通，佢覺得好有成功感。點解嶠媽會買八達通手錶，而唔係買八達通卡比佢呢？因為佢仲細，手錶唔係咁易脫下，但如果用八達通卡，放係八達通套比佢，佢會因為好奇，成日拎出來玩，咁就會好易整唔見！所以八達通手錶係我的首選。
因為佢仲細，手錶唔係咁易脫下，但如果用八達通卡，放係八達通套比佢，佢會因為好奇，成日拎出來玩，咁就會好易整唔見！
話雖如此，但嶠媽都有買一張小童八達通卡比芊嶠，但就放係我銀包，點解呢？因為有時我太忙，趕住出門有機會唔記得幫佢戴八達通手錶，咁佢搭地鐵和巴士，如果用我的八達通，就變左比成人價，咁我成日唔記得，車費就會好貴！所以我都有張小童八達通卡在手，以防萬一。而家的小朋友，其實學野好快，每日都不停做，不停接觸，加上我地係傍邊不停教佢、要佢地明白唔難！
我暫時都只係搭車各樣先比佢用八達通，佢其實都知道八達通的用途，有一次真係比佢激親。話說係某一商場，某一層係放置左幾架車車，車車上面係有八達通位，可以方便家長「嘟」八達通比小朋友玩，我最記得係芊嶠坐左上去，坐左一陣，我叫佢去廁所，點知佢一落來，部車就郁，我心諗，壞機咁抵，無啦啦識郁？點知睇真啲，原來有八達通位，芊嶠應該係用八達通手錶「嘟」左，比左錢，所以架車就郁！我個下都唔知讚佢叻女，識「嘟」八達通好？定話佢「衰女」，邊個比你「嘟」來玩？
但經歷個次後，我地都有再三提醒佢，八達通要用得其所，唔可以隨便未問過爸爸媽媽就自己拎去「嘟」野玩！當然個次之後，佢一行過扭蛋機，一行過個啲車車附近，我地都會望到佢實，再提佢唔可以亂「嘟」八達通呀！
