近日天氣轉涼,除咗係Omicron大流行嘅時間,可能大家睇新聞都會留意到最近有「鼻病毒」。如果小朋友同時感染Omicron同鼻病毒,病情有機會反覆好難斷尾,病在小朋友身,痛在父母心…
今集嘅嘉賓許先生就係過來人。今年10月底,當時21個月大嘅囡囡貝兒,因為確診Omicron而出現嘶哮症徵狀,需要送院治理。留院3日後情況開始穩定,可以返屋企繼續隔離,點知同日晚上嘶哮症再復發而要再送院,需要全身麻醉插喉,血氧一度大幅下跌至50……許生同太太當時既緊張又崩潰,唔敢想像如果就此失去囡囡嘅話點算……
醫生當時解釋,貝兒因為嘶哮症復發而兩度入院,懷疑係因為感染咗鼻病毒令病情反覆同更嚴重。囡囡需留院總共10日,先至康復出院。
經歷全家確診,許先生形容同小朋友出入醫院過程其實既心痛又煎熬,好彩今次囡囡無大礙,慶幸早已安排囡囡接種新冠疫苗。佢更形容今次經歷好似上咗寶貴一課咁,知道即將踏入流感高峰期,都已為小朋友安排接種流感疫苗,做好最充足嘅保護!
究竟許先生點解咁快會辨認到囡囡係嘶哮症,有咩病徵?佢願意一早為囡囡安排接種新冠疫苗嘅原因又係咩?雖然囡囡打咗兩針但都不幸患重症,又有無動搖到許生對疫苗嘅信心?片內爸爸都會詳細分享,希望提供到多個參考畀咁多位爸爸媽媽!
本節目內主持及嘉賓的言論純屬個人意見並不代表本台立場
#鼻病毒 #Omicron #確診Omicron #Omicron確診 #兒童確診Omicron #新冠病毒 #長新冠 #流感 #兒童多系統發炎綜合症 #Omicron重症 #Omicron兒童重症 #兒科醫生 #小朋友中招 #嘶吼症 #嘶哮症 #血氧 #壞死性腦炎 #嬰幼兒健康 #幼兒腦部發展 #新冠病毒疫苗 #小朋友打針 #科興 #科興疫苗 #復必泰 #復必泰疫苗 #流感針 #流感疫苗
The video is sponsored by the Information Services Department, HKSARG.