早幾日我拎住份bb臍帶血報告
去同一位新手媽媽解釋佢個bb仔患左蠶豆症
呢位媽媽望住我講
佢既眼淚一邊快流下來
直到我講「呢個病係唔會好返」
佢既眼淚就嘩啦嘩啦流出來
等等！其實蠶豆症冇你諗得咁恐怖架！
冇錯，呢種病係唔會好返，但係只要小心d照顧，留意生活產既小細節，bb 係可以健康快樂成長架！
蠶豆症全名叫「葡萄糖六磷酸去氫酵素缺乏症」（簡稱G6PD)
患者身體缺乏左一種保護紅血球既酵素
Bb係受感染或者接觸到某d物質既時候
令到紅血球突然大量分解
造成急性溶血，產生大量膽紅素
從而造成黃膽
如果bb有嚴重黃膽而唔醫治
有可能會對腦部造成永久損害，變成弱智、大腦麻痺甚至死亡
但係各位港媽，你地會唔會比呢d嚴重併發症發生呀？
以香港人咁精明既性格！小小問題都即時比我地發現喇！
