有港妻最近在親子王國以「性…真係要搞到離婚」為題開帖，憶述自己早前與老公一同去旅行5日，過程中老公一直談及性愛話題，經常要求與她行房。港妻在旅行的其中一日答應老公要求，惟老公仍然不滿，認為她並不投入，更揚言要離婚。
港妻交代一直不熱衷於性事，自從生完小朋友後更加少行房。她更指老公曾語言傷害及家暴她，並曾掉底兩母子離開香港。在她最低潮的時候，遇上溫柔的B君，不斷鼓勵及安慰她，最後兩人發生關係。港妻指，B君想與她認真發展，並不介意她有小朋友，仍然希望與她組織新家庭，但要求小朋友從此不能再見親生爸爸。
港妻指，最後老公揭發出軌事件，當下港妻要求老公原諒，「對小朋友嚟講跟返原生爸爸係最穩陣，就算對我點衰，對個小朋友始終係佢唔會差得去邊。」港妻更明言，擔心B君未必視如己出，於是決定與B君「分手」。不過，港妻坦言，其後仍然與B君有聯絡，「每次我老公對我差，由得我自己一個喊住瞓覺，我都忍唔住揾返佢，因為我知得佢先係明我會氹我，得佢先可以安撫到我情緒。」
「但同時我都覺得自己好衰，喺佢角度佢愛嘅人為咗另一個男人喊，仲要安慰我，佢內心都唔好受，佢亦都喊過好多次。」港妻與B君雖然藕斷絲連，但她仍然不捨得離婚， 「我老公話佢會改唔會再好似以前對我咁衰，我畀佢感動到，所以我一直都畀緊機會我老公，睇下會唔會再可以相處得嚟，行到就一齊行落去。」
但幾個月過後，港妻指老公對她愈來愈差，明言不能接受妻子曾與其他人發生關係，「每次我一唔肯同佢做，就會提返以前嘅嘢，話我同人搞就咁爽，同佢就掂都唔畀掂。」說到這裡，港妻再說到早前的旅行，指老公在旅程中不斷指她「畀綠帽佢戴。」港妻以為旅行可以修補兩人關係，但最後並沒有如她所想，老公甚至要求離婚，「到依家幾個月過去，去完個trip先話要分，我接受唔到佢咁對我，因為性，我只會感覺得佢當我係工具，而唔係老婆。」
網民看畢樓主的整個故事，都紛紛批評樓主，「一件事還一件事，你唔好為咗令人覺得自己出軌“冇錯”，而講你老公之前點點點衰。」認為她左右逢源，對兩個男人都不忠誠。另外有網民認為，老公知道她與他人發生過關係，一定影響大家關係，「因為佢心中已經有一條刺，大家關係已經修補唔到。」
另外，有網民指，問題重點並不在性，而是樓主對老公的背叛令關係破裂，「繼續一齊咪大家辛苦。」不少網民勸樓主離婚，認為兩人關係並不成熟，會害到小朋友。
更多網民意見：https://bit.ly/48M8YHX
