馬路如虎口，家長應無時無刻以身作則，並小心帶同小朋友橫過馬路。日前有網民上載了一段車Cam片，片段中的一家人亂過馬路，身穿校服的女童突然跑出，幸而駕駛者及時剎掣，否則後果不堪設想。
更多文章：心酸！三姊妹無父母照顧 寄居舅父「家」與13犬同住 衛生環境極惡劣！
據網民上載至HongKong CarCam的片段所示，事發在西沙路附近，一對母女站在雙白線中間。司機駛至母女附近前有先響咹示意，但突然身穿校服的女童突然跑出，越過行車線。司機立即再度響咹及急剎掣，其母親呆企在路中心，行人路上的男子則望着女童，似乎大家都驚魂未定，未能作出任何反應。
上載片段的網民怒斥家長「其實後少少已經有過路位，點解要咁教個小朋友過馬路呢？」又指萬一車主「收唔切」，後果將不堪設想。網民的評價兩極，有人狠批家長太不小心，「家長唔拉住，又唔緊張呢下犀利」，但也有人批評車主車速太快，導致有此情況發生。不過，隨即有人為司機辯駁，指「片主有收油，但個細路女忽然走過，本身佢都預咗剎車先停到，個阿母又唔拖住個細路女，真係害人！」
