睇開嘅朋友仔都知，由於小編Ivy醉心工作要返工，所以平日星期一至五照顧QQ嘅重任就靠全能嘅婆婆幫忙，QQ係極嗲婆婆嘅黐身BB嚟！但早排好不幸地發生咗啲小意外，婆婆竟然中招確診Omicron！！！
確診嘅前一晚，婆婆都仲係同緊QQ瞓...不幸中嘅大幸係總算發現得快，QQ最終都冇受感染！但婆婆就離開咗屋企去隔離，暫別咗我哋11日，亦代表呢一整段時間都要安排人手去湊住QQ。好彩公司同上司都好體諒，畀我在家工作，就係咁開展咗我嘅WFH湊仔之旅！
喺呢段日子，媽媽同打工仔兩個角色一齊online，每日一邊爭分奪秒工作，一邊照顧QQ嘅起居飲食娛樂：餵奶、換片、洗衫、煮飯、清潔、工作、陪玩、沖涼.....真係每分每秒都好充實咁過！
一開始真係每日都倒瀉籮蟹咁，雖然平時每日都會照顧QQ，但當你係對足全日，再加上要分配時間工作，就真係要好熟悉QQ嘅rountie，再從中偷時間去平衡兩邊！
重點QQ係一個樹熊BB嚟，經常都要人陪，你行到邊佢就跟到邊，突然失去安全感又想扭抱....充份體會到平日婆婆湊住QQ有幾咁辛勞，仲好佩服佢分配時間方面真係一流！要兩個角色都做好，少不免要犧牲自己嘅休息時間，每晚都要等佢兩仔爺夜晚瞓咗覺，我就開夜車偷時間繼續工作，覺得自己有資格成為時間管理大師（婆婆）嘅接班人！
嚟到最後暫別婆婆嘅第11日，就帶大家嚟睇下我12小時嘅WFH湊仔實況！如漆似膠嘅兩婆孫冇見面咁多日，重遇一刻嘅第一個反應究竟係點？
如果想傾下唔同嘅BB問題歡迎隨時FB/IG DM我哋！
BK小編Ivy上
記得Like同Follow埋我哋嘅FB IG！
IVY 丨
Facebook: 小屁孩翹翹－QQ
Instagram: why.so.qq
SALOME丨
Facebook: Salome 皮媽咪
Instagram: salome.peimame
大力丨
Facebook: 大大力做媽咪 Mrs Daailik
Instagram: mrs.daailik
【跟住小編做媽咪】
全港首個懷孕實況全記錄！
CLS YouTube Channel🎥 Baby Kingdom
