失眠係泛指不能入睡、過早醒來或瞓下醒下（間歇性醒睡）而引致睡眠不足。失眠並唔係成人病，其實連小朋友都會面對失眠呢個問題。小朋友失眠係影響深遠，小則會影響日常精神，重則會影響大腦發育。 小朋友失眠有咩成因？家長應如何幫助佢哋？
熱門討論：8歲女長期失眠
更多文章：如何用香薰幫孩子專注學業和提升睡眠質素？
失眠有咩症狀？
首先我地要留意一下小朋友失眠有咩症狀：
- 日頭覺得好眼瞓。
- 日頭經常打喊路，經常感到疲倦。
- 表示夜晚眼光光難以入睡、或瞓到一半醒咗。
- 因為擔心另一日又再好攰，對於瞓唔著會感到焦慮或緊張。
- 喺學校或紀律方面出現問題、犯錯或心不在焉而發生意外。
- 會有沮喪、煩躁或情緒起伏。
- 專注力不足、記憶力變差。
- 無胃口食飯。
小朋友失眠的成因？
- 壓力： 日常生活過度擔心和壓力導致失眠，例如家人有衝突，瞓覺前睇恐怖電影、考試壓力。
- 咖啡因：小朋友當然無乜機會飲咖啡，但好多飲品同食物都含有咖啡因，例如：朱古力、可樂、檸檬茶。
- 特定藥物副作用：例如用於治療ADHD 的藥物，會引致失眠。
- 環境因素：臥室嘅噪音、熱、凍和光線等，都會影響睡眠質素。
- 不良睡前習慣：臨瞓前玩電子用品，引起小朋友神經性興奮，難以入睡。
- 身體不適：感冒影響睡眠質素、皮膚敏感而痕癢難忍等。
- 環境轉變：突然開始自己瞓、轉校、照顧者改變等。
熱門討論：8歲女長期失眠
更多文章：如何用香薰幫孩子專注學業和提升睡眠質素？
如何解決小朋友失眠方法？
1. 維持良好的睡前習慣
首先，瞓前4-6小時不吸取任何含咖啡因嘅食物飲品，例如茶、可樂、朱古力等。另外要一個習慣，係瞓前1小時內要開始做靜態活動，避免睇電視、睇電子用品、做繁重功課。
2. 營造一個舒適嘅睡眠環境
營造一個安寧、平靜、舒適（溫度設定約攝氏25 度）同環境漆黑的臥室，對於怕黑嘅小朋友，可以係角落放一個小夜燈陪伴。如果臥室內有時鐘，細心留意在靜止嘅空間，秒針會否有過大音量，因為秒針嘅嗒嗒聲過大會令不能入睡嘅小朋友更緊張。 另外，瞓前避免與家人爭論或提起令小朋友焦慮嘅事。
3. 教導小朋友如何放鬆
瞓係床上慢慢深呼吸，想像一啲放鬆嘅事，例如數棉羊或讀輕鬆嘅故事書。
4. 使用行為治療作協助
認知行為治療專家會使用無需藥物嘅心理治療法協助，亦可以向睡眠專家詢問關於小孩失眠嘅資訊。
