仔女都是父母的心肝寶貝，加上時代轉變，現今的父母大多只會生一、兩個小朋友，孩子們萬千寵愛在一身，受到家人的溺愛、保護，事事都有人替自己出頭，對孩子的成長是好是壞？有保母分享照顧小學2年級女童的經歷，指出對方仍要穿尿片、坐嬰兒車，食飯又不願意咀嚼，而且她的父母覺得這一切並無不妥，令她感到擔心，「咁嘅照顧方式，其實係害佢」，引起網民的熱議。
更多文章：【JM有話兒】尋找子女胎前記憶？關心妍囡囡：JESUS畀我揀媽咪
事主向Facebook專頁《生仔要考牌系列》投稿，分享曾經幫人照顧女童，對方雖然已經讀小學，每早起床都不會刷牙和上廁所，而是穿上尿片，「佢媽話驚佢瀨尿，個女仔就話反正有片咪屙落片」，令他感到愕然。
事主亦負責為女童煮食，她的媽媽指女童不喜歡咀嚼，要求把餸菜，如瓜和肉絲都煮得軟淋，或者煮不需要咀嚼的菜式，如蒸水蛋。事主在烹調後曾經試食，確認肉絲已經很淋，但女童仍然表示太硬，「原來佢話佢只食少量肉碎，從來都唔使咬」。而且，女童的媽媽指她必須以電視送飯，「仲要餵先肯食，結果係餵都要追住佢跑嚟餵，仲要含飯。」
更夕文章：【JM有話兒】男醫護助12歲女照X光 港媽被趕感不滿
每逢外出，女童都要坐嬰兒車，到達公園或學校才願意走路，「BB車係為佢隨時眼瞓用」。
最令事主無奈的是，女童經常扭買玩具，如果不願意，她就會大發雷霆，「佢真係可以瞓地、喊、尖叫，我又唔鬧得佢，想拉佢走又唔成功」。無奈之下，事主唯有自掏腰包。即使曾經向女童的父母匯報情況，對方亦不覺得有問題，「佢父母唔會俾返錢我㗎，媽媽回覆我：『你咪送俾佢囉，又唔係貴，我個女咁得意，你唔係同佢計嘛』。結果，事主很快就辭去工作，不再照顧女童，「做做埋埋都係送禮，又受氣」。
事主概嘆，女童已經就讀小二，這樣的照顧方式並不是愛，而是影響孩子的成長，「其實真係害佢」。
帖文引起網民的熱議，大部分人批評女童的父母妄顧孩子的健康，「呢個年紀食軟餐對口舌肌肉都唔好」、「個小朋友係咪智力有問題？可以要睇醫生」、「小朋友無問題都會縱到有問題」。
亦有人認為父母選擇這樣教導子女，將來就要自行承受惡果，「早走早著，唔使幫人教女」、「佢鍾意就得，父母自己受返」、「我見過四五年班都要工人或者阿媽餵飯...」。
亦有家長分享經驗，認為孩子的潛力無限，家長只要放手，一定可以得到更多，
「我個女一歲左右自己食飯，唔比人餵，三歲左右戒哂日夜片，4歲幾差不多5歲去完poopoo自己抹，而家5歲自己沖涼，唔係哂自己個女有幾叻，而係做家長唔好睇小小朋友既（嘅）能力，配合佢既（嘅）發展比機會佢地（哋）自己嘗試」。
