新學年受疫情影響，學生一直採用網上教學。復課在即，學校都紛紛開始安排復課後的時間表安排。日前有網民在網上發文，指有學校要求學生在學校放學後，要立即回家，再在家中以網上教學「上埋最後一堂」。網民質疑學校並未有考慮學生的車程、食飯和休息時間，反問：「依家趕成咁，為乜呢？」
更多文章：家長投訴巴士USB充電插頭會電親小朋友 新巴城巴咁解釋
網民在社交群組「教育界黑店實錄」匿名投稿，指其學校平日一點多才放學，學校要求學生兩點多再在家中「Zoom上埋最後一堂，仲有課外活動或者輔導班。」投稿人認為學生在放學至回到家的時間內要食飯，回到家又要休息及洗澡，更有學生的車程要近一小時！「真係做得切咩？依家趕成咁，為乜呢？」又問其他人「係咪普遍學校都係咁做？」
有家長在貼文下留言，認為學校應變得更人性化，應按實際情況來有相當調整。
「放學，返屋企，要搭車、等車、行路……仲要食午飯，個零鐘已經唔係人人趕到！因為疫情關係，依家一出街返屋企，都一定要沖涼洗頭，先會喺屋企活動啦！如果各間學校真係要咁行咁走，究竟要學生同家長點算好……其實依家咁嘅環境，究竟學生成績、學校名譽緊要？定係學生嘅身、心健康緊要呢？各校可以人性化咁，去諗諗實際情況好嗎……」
也有人指出現在好多學校都是這樣，但批評學校不夠人性化，認為如果學生趕不上，「間接迫學生掛機！咪開住機食飯囉」、「或者一邊坐車一邊上堂，或者索性去補習唔上佢嗰堂，學校都係要成績啫！」
