嚟到日煮夜煮無限loop，好在GutsPa無私奉獻兼煮嘢食叻，霎眼一個月，GutsPa GutsMom 依然每日攰到擔泥咁！駐英日程由05、06開始，直踩到23、24。因為小朋友jet lag 真係要比兩星期佢適應，頭一星期佢地03、04就起身話好肚餓，救命！一星期後05、06，終於可以瞓多一陣至煮早餐。
中間再經歷無數次煮、洗、又煮、又洗、又一定有人倒瀉野、又抹地又換衫又換片、再煮、再洗、又倒瀉、發育時期嘅細路真係大食積！
教哥哥寫下字、同細嘅玩下、跟進下香港嘅野、攪下英國仲有咩申請、又買下家品、又出去買食物、又煮、又洗洗洗、又沖涼、又幫佢地沖涼、又抹地拖拖地、又哄大細嘅覺、再整埋啲野、又哄細嘅瞓覺、終於有時間上Amazon 訂嘢、終於到我哋瞓覺...
更多文章：【幾個移民媽】飛英生活體驗日記 第三章：離開家園的傷感
更多文章：【GutsMom 4口之家】飛英生活體驗日記 第一章：Shall We Move？
到底怎樣可以多一點時間？
縱使每天疲累，但依然覺得是非常值得嘅生活方式。難得嘅親子時間，要感謝我哋一家都有移民嘅勇氣。回望過去四星期，感覺遠離了香港一點，但仍然心繫香港，每日跟香港嘅家人FaceTime, 感謝科技帶畀我哋一個拉近距離嘅移民，一個不太孤獨嘅移民。
