孩子出世後，無論生活飲食、言行舉止都要慢慢累積、學習；對於父母而言，孩子嘅每一個成長階段，除咗需要陪伴，亦需要同行。當然，唔同嘅父母喺教育孩子嘅方法、形式都唔同。今次，喺討論區有見到媽媽分享自己孩子蠢嘅話題，一起加入討論：我個仔真係蠢，唔係扮喎，事實上不管孩子蠢定聰明，當父母養育仔女時，應該要好好運用佢地孩子該有嘅智慧。
事實上，父母喺一開始撫養孩子時，都會做出唔少愚蠢嘅事或反應，但每個人嘅成長唔係一開始就識，所以經驗、經歷都要慢慢累積，好似有網民留言講：「最緊要係母親要正面，如果你都唔接受佢嘅特異，佢就無法發揮所長」在外人看來可能家長唔識教、或唔可靠，但是孩子嘅教育，內在價值顯然更為重要，呢啲唔多唔少都關價值觀、品德，其實生活就係最好嘅教科書，可以令人慢慢認識正確嘅價值觀、品德！
唔少JM都有分享應該點樣培養孩子，但當中有唔少提出孩子應該要先有以下特徵，內在嘅素質教養喺重要：
樂觀
「真心，我覺得呢個樂觀係佢一大優點，有時我唔開心，佢人仔細細會講道理安慰番我，佢係我甜心寶貝。」
「佢班裡有個品學兼優，係一個寡言好學認真的學生，我成日希望阿仔有佢一半努力和認真就好。但當我知個小朋友遇到少少批評都會崩潰的時候，我都係要番呢個又蠢又天真的小朋友。」
開心
「小朋友，開開心心讀書就好了，以前自己點樣走過嚟好清楚。」
「有時分數分別好細，留個空間比小朋友快樂。」
之前美國《Parents》雜誌嘅文章，有專家舉出孩童時期應該學懂嘅５個價值觀，可以讓孩子一生受用。
誠實：撒謊不是一個借口，要讓孩子學會誠實面對錯誤或困難，哪怕只是「善意嘅謊言」，在孩子還沒有懂得分辦善惡、對錯時，千萬唔好讓他先學識「講大話」。
正義（勇氣）：讓孩子有勇氣去承擔自己嘅過失唔是容易嘅事，或者讓孩子主動亦需要時間，以行動來彌補，學習正義係第一步。
決心：因為每學一樣新事物或堅持做時，孩子會覺得唔耐煩，要讓佢慢慢了解做得唔夠好或有冇盡力去做時，多多鼓勵佢，下定決心將事情做到最後。
體貼：體貼和關懷可以教導孩子，能切身處地顧及他人感受，同時，對孩子成長而言，可以與大家一起分享，互相成長。
愛心：父母可以由自己做起，多在孩子面前表達愛，透過愛的行為或舉動，讓孩子懂得如何愛家人、朋友。
一起加入討論：我個仔真係蠢，唔係扮喎
