相信大家近嚟都用好多方法抗疫，日常生活入面都會用到唔少嘅消毒同個人衞生用品。今次嘅疫情唔單只對我地人類，對個環境都帶來唔少嘅負擔㗎！可能你哋會覺得︰好難喎，又要抗疫又要環保，邊可以同時做咁多㗎？其實一啲都唔難，而且日常生活仲好輕易做到添！
疫情其間，口罩是重要的防護工具。環運會副主席許湧鐘先生指出根據環保署估算，香港人每天會丟棄400-600萬個外科口罩。
首先！當然就係依家每人出街都會帶嘅口罩啦！好多人換口罩換得好頻密，但如果只係短時間除低口罩，我地可以將口罩放入口罩暫存套裡面，然後下次再拎返出嚟用。你哋想像下，如果每人每日都用幾個口罩之後就掉，咁樣每日有幾多口罩入填堆區呢？咁樣做唔單只減輕到堆填區嘅負擔，重減輕埋你銀包嘅負擔添！同埋口罩係由複合物料做成，千其唔好放入回收桶呀！
更多文章：「塑膠回收先導計劃」登陸東區喇！
口罩由複合物料造成，不可回收。許先⽣提提大家用完的口罩不可隨處擺放，要先綑好再丟進有蓋的垃圾桶內，以免病毒散播。
除左口罩外，另一樣必備嘅就係酒精搓手液喇！随身裝細細枝好方便拎出街，但唔知你地用完之後會點做呢？掉咗佢？其實可以買啲大枝嘅補充裝，重用個細樽，咁樣就會環保得多啦！不過，最環保又有效嘅方法莫過於用清⽔和梘液洗手，乾淨毛巾擦乾。
沈醫生提到抗疫最重要是保持雙手清潔，用清水和梘液洗手，乾淨毛巾擦乾是環保⼜有效的方法。
用完酒精搓手液之後，可補充酒精搓手液至膠樽，減少塑膠垃圾。
呢排可能都會少咗出街食飯，轉而買外賣。但係你哋有冇諗過點樣可以慳到外賣所用嘅即棄餐具呢？當然就係走餐具啦！跟住就可以再行多步，而家有唔少餐廳可以畀顧客用自己嘅餐盒去買外賣，咁樣就唔單只可以慳到即棄餐具，重確保個餐盒夠乾淨衞生添！
更多文章：外賣帶走，塑膠要走！
環保文青鍾芯豫的走塑法寶就是可重用的餐具、飲管和餐盒。
買外賣時自備餐盒和餐具，既環保又衛生。
疫情期間大家都會用好多方法去保護自己同屋企人，所以並唔係叫大家唔用口罩或者清潔用品，而係發揮大家嘅創意，應用則用，唔好浪費就最好喇！講咗咁多，不如睇下環境運動委員會主席沈祖堯教授有咩環保抗疫貼士俾大家丫！即刻去呢度睇片啦！
